Tanış olaq!

Mən Pəri Abbaslı, Jurnalistika, Media və Qloballaşma üzrə magistr tələbəsiyəm. İlk ilimi Danimarkanın Orxus Universiteti və Danimarka Media və Jurnalistika məktəbində tamamladıqdan sonra hazırda 2-ci ilimi Çexiyanın Çarlz Universitetində davam etdirirəm. Mundus təqaüdü qalibi olduğum üçün 2 il ərzində 2 fərqli ölkədə 3 fərqli təhsil müəssisəsində təhsilimi davam etdirmə şansı əldə etdim.

İşlərimin məqsədi nədir?

Azərbaycan dilində jurnalistika, incəsənət və "geek" mədəniyyət haqqında internet arxivi yaradır və ən əsası, xarici dillərə çıxışı olmayan gənclərin də xarici trend, müzakirə və söhbətlərdən kənarda qalmaması üçün onları müxtəlif niş mövzulu kontentlərlə təmin etməyə çalışıram. Əlbəttə, bunu tək şəkildə tam və əhatəli etməyim mümkün deyil, lakin bu məqsədim üzərində 2016-cı ildən bəri işləyirəm və aldığım geri dönüşlərə əsasən deyə bilərəm ki, müəyyən qədər buna çata bilmişəm. Daha çoxu üçün isə, əlbəttə ki, dəstək mütləqdir.

Nələr edirəm?

Jurnalistika ilə bağlı sonsuz marağı və güclü idealları olan gənc kimi, 2016-cı ildən bəri incəsənət bloqu yazıram. Bu bloqun kiçik bir versiyası kimi, eyni mövzularda paylaşımlar etdiyim Telegram kanalı idarə edirəm.

Bakalavr təhsilimi aldığım müddətdə radio verilişlər və podkastlar hazırladığım kimi, qrup yoldaşımla bərabər 19-20-ci əsr azərbaycanlı jurnalistlərin əsərlərindən və irsindən danışdığımız podkastımız mövcuddur: "Atəşçalan Prometey" podkastı.

Hazırda aktiv olaraq jurnalistika ilə əlaqəli akademik məqalələrdən qeydlərdən ibarət bloq yazıları paylaşdığım digər bir bloqum və YouTube kanalım mövcuddur.

2020-ci ildə könüllü bir qrup gənc ilə "MUZA" adlı elektron incəsənət jurnalını təsis edib 4 buraxılışı dərc etmişik.

Mənim haqqımda daha çoxu üçün:

Linktree