"Red Dead Redemption 2", "God of War", "The Witcher" və "The Last of Us" oyunlarından başqa oyun tanımayan dostlar üçün kiçik bir siyahı hazırladım.
“BioShock” (2007)
Bu oyun videooyunların sənət əsəri ola biləcəyini sübut edən bir şah əsərdir. Bundan artıq nəsə demək "попса" sayılır.
"Batman: Arkham" seriyası
"Batman: Arkham Asylum" oyunu "BAFTA" tərəfindən 2009-cu ilin ən yaxşı oyunu mükafatına layiq görülmüşdü. Düşünürəm ki, bu, istənilən superqəhrəman oyunu üçün heyrətamiz bir nailiyyətdir.
"Mass Effect" trilogiyası
Deyir ki, biz üzvi təkamülün xaosunu nizama salırıq. Biz icazə verdiyimiz üçün varsınız və biz bunu tələb etdiyimiz üçün də yox olacaqsınız!
"Fallout: New Vegas"
Bu oyun sizi yeni şeylər kəşf etməyə və içinizdəki qeyri-məhdud yaradıcılıqdan faydalanmağa təşviq edən bir “RPG” klassikasıdır. Elə bu səbəbdən, şübhəsiz ki, videooyun tarixinin ən keyfiyyəli “RPG” oyunlarından biridir. Fikrimcə, "Fallout 3" ilə birlikdə seriyanın da ən yaxşı oyunudur.
"Titanfall 2"
Müasir "FPS" janrında keyfiyyətli oyunlar barmaqla sayılacaq qədər azdır. Təəssüf ki, bu oyun kifayət qədər qiymətləndirilmədi. “Electronic Arts” bu oyunu “Battlefield 1” və “Call of Duty: Infinite Warfare” arasında sıxışdırmasaydı, bəlkə də hər şey başqa cür olardı.
