Həzərat, vizual olaraq çox doyurucu bir intiqam hekayəsi ilə qarşı-qarşıyayıq. Bəzi videooyunlar haqqında danışanda deyirlər ki, film kimi səhnələri var. Bu filmdə isə oyun kimi səhnələr mövcuddur. Ələlxüsus "Mad Max"in oyununu oynayanlar üçün gözəl detallar çoxdur. Məsələn, təqib səhnələrində təkərlərin və benzin bidonlarının dəyişdirilməsinin göstərilməsi apokoliptik atmosferi daha da gücləndirir. Kris Hemsvort rola qəşəng hazırlaşıb, əməlli başlı parlayır. Təəssüf ki, filmin sonlarına doğru "Dostoyevski xəstəliyi" özünü biruzə verir, amma mən filmdən narazı çıxmadım. "Fury Road" ilə müqayisə etməyin, ağzınızın dadı qaçar, gecə rahat yata bilməzsiniz. Mən gözləntilərimi düzgün qurduğum üçün heç bir problem olmadı. Keyfiyyətli ekşn filmidir, maraqlananlar izləsinlər. "IMAX" şərt deyil, normal versiyadan basın getsin.
