Raymond Albert Kroc 1902-ci ildə ABŞ-da anadan olub. Gənclik illərində pianoçu, radio aparıcısı, kağız stəkan və milkşeyk aparatları satan satıcı kimi müxtəlif işlərdə çalışıb.
1954-cü ildə Ray Kroc Kaliforniyada McDonald qardaşlarına məxsus kiçik, lakin çox sürətli işləyən bir restoranla tanış olur. Restoranın sistemi onu dərindən təsirləndirir.Məhdud menyu, sürətli xidmət və standart keyfiyyəti görən Kroc dərhal anlayır ki, bu model geniş miqyasda tətbiq olunsa çox uğur gətirə bilər.
Ray Kroc McDonald’s-ın françayzinq sistemini quraraq restoran şəbəkəsini ABŞ boyunca, daha sonra isə bütün dünyada yayır.
1961-ci ildə Ray Kroc McDonald’s-ın bütün hüquqlarını alaraq şirkətin tam sahibinə çevrilir. Bundan sonra McDonald’s sürətlə böyüyərək qlobal brendə çevrilir.
O, intizamı, sistemi və davamlı inkişafı hər şeydən üstün tuturdu. Kroc üçün ideyadan daha vacib olan onun düzgün icrası idi.
Ray Kroc 1984-cü ildə vəfat etsə də, qurduğu sistem bu gün də milyardlarla insana xidmət edir. McDonald’s sadəcə restoran şəbəkəsi deyil, həm də biznes modelləri, marketinq və əməliyyat idarəçiliyi sahəsində bir məktəbdir.
