Müsahibədə namizədə dedim:- “Bizim üçün tam uyğunsunuz, rəhbərliklə görüş mərhələsinə keçirik. Sadəcə tez-tez ezamiyyətlərimiz olur. Ailə qayğıları baxımından hər şey qaydasındadırsa, düşünüb mənə bildirin, rəhbərliklə görüş saatını təyin edim.”
Namizədin cavabı həm təəccübləndirdi, həm də qürur verdi:- “Asim, övladım yoxdur, amma mən himayədar ailəyəm.”
Bu cavab cəmiyyətdə hələ də çox az insanın bildiyi böyük bir reallığı ortaya qoyur. Bu gün 31 May - Himayədar Ailə Günüdür və bu mövzuda ən çox qarışdırılan məqamları HR olaraq qeyd etmək istəyirəm, himayədar olmaq:
Övladlığa uşaq götürmək deyil, uşaq sizin hüquqi varisiniz olmur, əmlakınıza iddia edə bilməz.Hər kəs üçün əlçatandır, istər evli olun, istər subay, müəyyən şərtləri qarşılayan hər bir vətəndaş müraciət edə bilər.Dövlət dəstəyi var, ƏƏSMN uşağın təminatı və baxımı üçün himayədar ailəyə aylıq və bundan əlavə ildə 4 dəfə maddi pul dəstəyi verir.
Cəmiyyətə faydalı olmaq üçün bəzən böyük layihələrə ehtiyac yoxdur. Sadəcə ƏƏSMN-in bu xidmətini ətrafımıza tövsiyə etmək belə, bir körpənin isti yuvaya qovuşmasına vəsilə ola bilər. ✨
Nazirliyə məxsus rəsmi sayta daxil olaraq himayədar ailə barədə oxuyub bəlkə kiminsə həyatını dəyişəcəksiniz
#SosialXidmət #HimayədarAilə #Azərbaycan #Xeyriyyəçilik #UşaqHüquqları
