Hər gecə keçirəm güzgü qabağına,
Özümün özümlə söhbətim düşür.
Etdiyim günahlar gəlir ağlıma,
Özüm öz gözümdə qiymətim düşür
Kənardan baxıram diqqət edirəm
Bu kövrək qəlbimə nifrət edirəm
Kimə ki,can deyib hörmət edirəm
O dəqiqə gözündə hörmətim düşür
Pis olan mən oldum həmişə sonda
Şeytanı görmüşəm hər cürə donda
Kimin ki xətrinə dəyirəm onda
On nəfər içində qiybətim düşür
Ey Araz gözləmə əzrayıl yata
Gün gələr səni də çəkər sirata
Riyazi baxışla baxsam həyata
Kök altda qalıram qüvvətim düşür
