Son dövrlərdə anksiyete yaşadığımın fərqinə varmışam. Fəaliyyət zamanı prosesdən çox narahat oluram və problem yaşanmaması üçün, fors major halları da nəzərə alıb mükəmməl nəticə əldə etməyə çalışıram. Maraqlarım və hobbylərim mənə göstərir ki, narahatlığım əsasən gələcəklə bağlıdır.
Elmi-fantastik və zombi apokalipsisi janrında seriallar diqqətimi çəkir və böyük həvəslə izləyirəm. Zombi apokalipsisinə marağımın səbəbi, gələcəkdə potensial bir zombi epidemiyasına hazırlıqlı olmaqdır. Bu epidemiyanın baş verməsi halında özümü və yaxınlarımı qorumaq üçün tədbir görmək və mübarizə aparmaq üçün araşdırma kimi baxıram bu janrda kinolara.
Elmi-fantastik janrına marağım isə gələcəkdə baş verəcək hansısa robot işğalına hazırlıqlı olmaqdır. Süni zəkanın inkişafı ilə robotlar varoluş səbəbini sorğulaya bilər və Asimovun 3 robot qanununa riayət etməyə bilər və ya 2ci qanuna əsasən (Bir robot, bir insanın verdiyi əmrlərə tabe olmalıdır, əgər bu əmrlər birinci qanunu pozmursa) başqa bir varlığın əmrinə tabe olar və işğal cəhdi edər. Bu halda yenə də, özümü və yaxınlarımı qorumaq üçün daha çox məlumatım olmuş olar və mübarizə apara bilərəm.
Əvvəldə də bildirdiyim kimi, gələcək anksiyetem olduğu üçün bu cür tədbir görürəm və düşünmürəm ki bu anormal haldır. İnsanlar kitablar oxuyur və nəticədə fikir formalaşır, bu fikri öz həyatlarına və yaşam tərzlərinə tətbiq edirlər. Yaranan hər hansısa problemi həll edərkən o fikirdən faydalanırlar. İnformasiya qızıldan bahadır. İzlədiyim kinolar məndə fikir formalaşdırır, yaradıcı düşüncəmi inkişaf etdirir. Baş verəcək epidemiya və ya işğallara qarşı profilaktik tədbirlər görmək, baş verən bu hadisələrə qarşı tədbir görmək üçün fikir lazımdır və mən də bu fikri izlədiyim kinolardan alıram.
