Azərbaycanın sushi markaları üçün dizaynlarını bəyənmədiyim üçün öz loqolarımı yaratmağa başladım. İlk uğurum "Sushi Baku" loqosu oldu. Bu loqonu həvəskar yanaşma ilə yaratsam da, satıldıqdan sonra yeni layihələrə başlamaq üçün motivasiya tapdım.Bu motivasiya ilə "Yakudza Sushi" loqosunu hazırladım və Instagram-da satışa çıxardım. "Yakudza Sushi" loqosunun yaradılması prosesi mənim üçün unikal və dərin mənalı bir layihə oldu.Loqonun ideyası Yaponiyanın autentik mədəniyyətindən ilhamlanaraq, həm şərq ənənələrini, həm də Yakudza – yapon mafiyası ilə bağlı simvolik elementləri əks etdirməkdən ibarət idi. Əsas element kimi suşi təsvirini barmaq formasında stilizə etdim. Bu, Yakudzaların səhvlərinə görə məsuliyyət simvolu olaraq barmaqlarını kəsmək ənənəsindən ilhamlanmışdır. Beləliklə, loqo ciddi intizamı, özünənəzarəti və yüksək keyfiyyətə bağlılığı ifadə edir.Loqoda istifadə etdiyim rənglər və minimalistik üslub müasir yapon restoranlarının konsepsiyasına uyğun şəkildə işlənib. Yüksək detallarla hazırlanmış bu loqonu Instagram-a yerləşdirdikdən sonra, gözlədiyimdən daha tez satıldı. Bu, mənim karyeramda ikinci uğurlu satışım oldu və mənim üçün növbəti bir motivasiya mənbəyinə çevrildi."Yakudza Sushi" loqosu, həm kreativlik, həm də peşəkarlıq baxımından mənim üçün xüsusi bir iş oldu. Hər iki layihənin uğuru mənim dizayn karyeramın başlanğıcında önəmli bir mərhələ idi.
