Filmə baxarkən rejissorun bacarıqlarına və aktyorların istedadlarına diqqət yetirdiyiniz qədər nəfəs kəsən avtomobillərə də valeh olursunuz? Həyəcanlı avtomobil yarışları filmlərində və döyüş filmlərinin amansız təqib səhnələrində tam istifadə olunan avtomobillər, qibtə edilən həyatları olan xarizmatik personajların həyatını gözəlləşdirir və ya onları ekranda gördükdə tanış dostla görüşmüşük kimi hiss yaradır…
Bond Filmləri
BMW Z3 E36/7
Xarizmatik agentlər, dəbli kostyumlar, dəbdəbəli həyatlar və son model avtomobillər dedikdə ağla James Bond filmləri gəlir. 1990-cı illərdə Pierce Brosnan James Bond rolunu Timothy Dalton-dan götürdü və agentin sevimli avtomobilləri çox vaxt BMW modelləri idi. Brosnanın ilk 007 filmi "Golden Eye"də (1995) görünən BMW E36/7 Z3 təkcə faralarının arxasından atdığı raketləri və paraşüt alətləri ilə deyil, həm də Metallic Blue/Atlanta rəngi ilə göz qamaşdırırdı.
BMW Z8
007-nin avtomobilləri, macəraları və digər texnoloji üstünlükləri qədər sonrakı filmlərdə də diqqəti cəlb etməyə davam etdi. Brosnanın Tomorrow Never Dies (1997) filmində sürdüyü E38 750Li-nin ən müasir xüsusiyyətləri bu gün adi xüsusiyyətlər kimi görünsə də, iyirmi il əvvəl elmi fantastika filmindən çıxan bir şey kimi idi: Avtomobil özünü idarə edə bilirdi, 007 onu cib telefonundan idarə edə bilirdi! “The World Is Not Enough” (1999) üçün hələ buraxılmamış Z8 çəkiliş üçün xüsusi olaraq istehsal edilmişdi və avtomobil yenidən raketlərlə təchiz edilmişdir.
Mission: Impossible Filmləri.
Böyük ekranın dəlilikdən dəliliyə keçən digər agenti isə Mission: Impossible serialından Tom Kruzla eyniləşdirilən Ethan Huntdır. Macəraları boyunca bir çox fizika qaydalarına, xüsusilə də cazibə qüvvəsinə müqavimət göstərən və hərəkət dozasını azaltmadan düşmənlərə qalib gələn bu agent həm də sport BMW sürməkdən həzz alanlardan idi. O dövrdə 'BMW i8 Concept' adlanan və bir neçə ildən sonra kütləvi istehsalına başlanacağı gözlənilən BMW i8-i ilk dəfə bu filmdə bir çox insan gördü.
Dörd il sonra Ethan Hunt özünü Mərakeşin paytaxtı Rabatda İngilis agenti İlza Faust (Rebekka Ferqyuson) ilə Missiya: Mümkünsüz - Rogue Nation (2015) filmində tapdı. Rejissor Christopher McQuarrie-nin dediyinə görə, 2015-ci il modeli Silverstone Metallic M3 avtomobili ilə şəhərin dar küçələrində, kələ-kötür yollarda, tozlu pilləkənlərdə çəkişmələr gedərkən filmin ən böyük ulduzu olub. Rejissor bildirmişdir ki, onlar nə qədər çətin səhnələri yenidən çəksələr də, maşınları nə qədər "yükləsələr də", BMW dözümlülüyü komandanı heyran etmişdi.
BMW 5 Seriyasının E28 gövdə koduna sahib ikinci nəsli
Jason Statham-ın fasiləsiz hərəkətlərlə dolu macəralarının qabaqcıllarından biri olan "The Transporter" (2002) filmi təpikləri və yumruqları qədər sürücü oturacağındakı çevikliyi də təsir edici olan Frank Martinə qara 735i-də baxmaq fürsəti təklif etdi. 2000-ci illərin sevimli agentlərindən biri, Matt Damon tərəfindən canlandırılan Jason Bourne seriyanın ikinci filmi The Bourne Supremacy (2004) filmində BMW ilə tanış olmuşdu. Keçmişi olmayan agent çox ağıllı bir üsulla oğurladığı 80-ci illərin sevimli modellərindən olan BMW 5 Series E28 ilə yoluna və firara davam etdi.
BMW 5 Seriyasının üçüncü nəslinin M modeli, BMW M5 (E34)
Ronin (1998) filmində sürücü oturacağında Natascha McElhone-u görəcəksiniz. Kino tarixinin ən həyəcanlı avto qovma səhnələrindən birində baş qəhrəman Robert De Niro BMW E34 M5 sürən McElhone-u amansızcasına təqib edərkən izlədiyiniz yerdən sizi həyəcanlandıram hərəkət fırtınası baş qaldırır. De Nironun canlandırdığı Sem təqibdə qalib gəlir. Bütün sürətinə, çevikliyinə və dözümlülüyünə baxmayaraq, E34 usta atıcı Semin güllələrindən qurtula bilmir; Bu mükəmməl səhnə bir güllənin arxa təkərlərindən birinə dəyməsi ilə başa çatır.
Gəlin daha da geri qayıdaq və Çin Sindromunu (1979) xatırlayaq. Cəsur jurnalistin atom elektrik stansiyasındakı güvənlik zəifliyi qalmaqalını ifşa etmək üçün mübarizə apardığı filmdə, Jack Lemmon’ın canlandırdığı Jack Godell ona kömək edir, lakin tezliklə problemlə üzləşir. Jack-in BMW 2002 ilə təqib etməsi onların xilası oldu.
Film səhnələrində BMW modellərinə rast gəlmək həmişə çox həyəcanlıdır. Bu il xüsusi bir filmdə BMW-nin xüsusi modelinə baxacağıq. Növbəti yazıda :)
