Sinifin önündə durub 17-18 yaşlı uşaqlara ən əhəmiyyətli sıralamanı öyrətmək istəyirdi. Sual verərək mövzuya başlamaq adəti idi:
-Gənclər, sizcə insanda ən dəyərli şey nədir?! – cavab gözləmədən söhbətinə davam etdi, - Gəlin, sizə dostumun mənə öyrətmiş olduğu şeyi danışım. Kim milyonçu olmaq istəyir?
Uşaqların hamısı (2 nəfərdən başqa) əlini qaldırdı. Müəllim əlavə bir sual da verdi:
- Yaxşı, bəs sizə desəm ki, milyonçu olacaqsınız, ancaq bir günlük ömrünüz qalacaq. Sabah səhər öləcəksiniz. Yenə də milyonçu olmaq istəyən var? – uşaqlardan heç biri əlini qaldırmadı.
Gözlədiyi reaksiyanı alan müəllim qaldığı yerdən davam etdi:
- Sizlər də dərk edirsiniz ki, puldan daha dəyərli olan şey zamandır. Zamanınızın qədrini bilin. Üç saiyənin də böyük hökmü var.
Lövhəyə yazdı:
“Ən dəyərlilər sırası”
1. “Zaman”
- Yoldaşlar, bəs hansınız əbədi, ancaq yataq xəstəsi olaraq yaşamaq istəyirsiniz? – yenə də uşaqlardan səs çıxmadığını görən müəllim sözünə davam etdi, - deməli, sağlamlıq da böyük əhəmiyyət daşıyır.
Lövhədə qeydiyyat apardı:
1. “Zaman
2. Sağlamlıq”
- Bəs hansınız istəyir ki, həyatda hər şeyi olsun, ancaq hörməti olmasın?! Heç bir dostunuz olmayacaq, sizi heç bir yerə qəbul etməyəcəklər. İstəyən var?
Uşaqların səssizliyi müəllimin gözləntisini doğrultdu. Lövhəyə üçüncü variantı da əlavə edib danışmağa başladı.
1. “Zaman
2. Sağlamlıq
3. Hörmət”
- Ən vacib şeylərdən biri də sevgidir, gənclər. Siz hələ tam dərk etmirsiniz, ancaq bir gün hiss edəcəksiniz ki, sevgi mütləqdir.
1. “Zaman
2. Sağlamlıq
3. Hörmət
4. Sevgi”
- Və həyatın olmzsa, olmazı nədir? Təbii ki, pul. Bu qədər söhbətdən sonra təəssü ki, bunu deməliyəm. Pul, yəni maddiyyat çox şeydir. Soruşsam ki, kim ömrünün axırına kimi kasıb, dilənçi kimi yaşamaq istəyir, yenə heç kəs əlini qaldırmayacaq.
1. “Zaman
2. Sağlamlıq
3. Hörmət
4. Sevgi
5. Pul”
- Ən dəyərli sıra budur. Bütün bunlardan dəyərli olan isə yaşamaqdır. İnsan kimi yaşamaq. Dərs bitmişdir, çıxa bilərsiniz. Daha çox zamanınızı almayım.
Son
Qəhrəmanov Hüseyn
Əlaqə: 0708663812
İnstagram: qahramanov.huseyn
