Fəqan Baxışov 1994-cü il 27 dekabrda Ağdaş rayonunun Ləki qəsəbəsində anadan olub. O, 2001-ci ildə 6 saylı tam orta məktəbə gedib. Fəqan Baxışov yaradıcılığa məktəb illərindən başlayıb. Onun yazdığı şeirlər sinif yoldaşları və dostları tərəfindən bəyənilib. Nəhayət, dostlarının köməyi ilə 2010-cu ildə ilk səs yazısını edib. Onun ilk şeiri “Mənasızdır” olub, 2012-ci ildə isə “Çətindir” adlı əsəri ərsəyə gələrək işıq üzü görüb və bu şeir ictimaiyyət tərəfindən müsbət qarşılanıb. O, 2012-ci ildə məktəbi bitirərək məzun olub.

Məktəbi bitirdikdən sonra, 2013-cü ildə hərbi xidmətə yollanıb. Fəqan Baxışov hərbi xidmətdə əsgər yoldaşları və komandirləri tərəfindən yüksək qiymətləndirilib, yazdığı şeirlər dinlənilib və ona uğurlar arzulayıblar. O, 2014-cü ildə hərbi xidmətini başa vuraraq vətəninə geri dönüb.

2018-ci ildə “Allah Rəsulu” və “Qarabağ Bizimdir” şeirləri ilə yaradıcılığını davam etdirib. O, həmçinin “Sənsiz”, “Xəyanət”, “Biri Var”, “Ürəyim”, “Ləki New Life”, “Hədəfə Bir” “Dollar” və digər əsərlərini ərsəyə gətirib. Fəqan Baxışov hazırda da yaradıcılıq fəaliyyətini davam etdirir.