Ürək
Yaralar təzədən qövr edir ürək,
Niyə könül verdin ona sən, ürək?
Sevmədi o səni, sən niyə sevdin?
Səni sevməyəni sən niyə sevdin?
Eşqinə mən qurban gedim ay ürək,
Dedim, neçə dəfə dedim, ay ürək,
Sevməyir o səni, niyə sevirsən?
Səni sevməyəni niyə sevirsən?
Sözümə baxmadın, indi yan ürək,
Yan ey mənim təki peşiman ürək,
Sevmirdi o səni, niyə sevirdin?
Səni sevməyəni niyə sevirdin?!…
