Daha aydın yazım. Meta dünən üç modelə malik (MusicGen, AudioGen və EnCodec) açıq mənbə (open-source) AudioCraft generativ Sİ-ni təqdim etdi. Meta-ya məxsus və xüsusi lisenziyalaşdırılmış musiqilərlə (biz də inandıq) təlim keçmiş MusicGen istifadəçilərin mətn əsaslı daxiletmələrindən (input) musiqi yaradır.
Meta yazır — "AudioGen isə ətraf mühitin səs effektləri ilə təlim keçmiş və istifadəçilərin mətn əsaslı daxiletmələrindən audio yaradır. Bu gün biz EnCodec dekoderimizin təkmilləşdirilmiş versiyasını, daha az qüsurlu və yüksək keyfiyyətli musiqi yaratmağa imkan verən versiyamızı təqdim etməkdən heyəcan və qürur duyuruq. Eyni zamanda, biz əvvəlki it hürməsi, maşınların siqnalı səsi verməsi və ya taxta döşəmədə addımlar kimi ətraf mühit səsləri və səs effektləri yaratmağa imkan verən AudioGen modelimizi də paylaşırıq. Bundan əlavə, AudioCraft model çəkiləri (weights) və kodları da açıqdır. Modellər tədqiqat məqsədləri üçün və insanların texnologiyanı daha yaxşı anlaması üçün əlçatandır. Tədqiqatçıların və praktiki sahə mütəxəssislərinin ilk dəfə öz verilənlər toplusu ilə modellər təlim keçməsinə və beləliklə, texnologiyanın inkişaf etdirilməsinə imkan verməkdən məmnunuq."
