İnsanoğlu sevir hər şeyə ad qoymağı. Bəs, görəsən, sivilizasiyada buna, həqiqətən, ehtiyac var? Adsız bir dünya düşünmək mümkündürmü?! Hamı, hər şey adsız olsa, necə olardı?
Əgər hər şey adsız olsaydı, nitqə ehtiyac olmazdı. Hansısa əşyanı istəsəniz, onu sizə verməsi üçün heç kəsə müraciət edə bilməyəcəksiniz. Ancaq əl-qol hərəkətləri ilə dərdinizi izah edə bilərsiniz. Məsələn, telefon istəyirsiniz, ancaq adı telefon deyil, ümumiyyətlə, adı yoxdur. Gərək əlinizin baş barmağını qulağınıza, çeçelə (ən balaca) barmağımızı isə ağzınıza tutub qalan üç barmağınızı qatlayasınız.
Bəs insanların adları olmasaydı, necə olardı? Yəqin ki, dünya bərbad bir günə qalardı. Oğrular, qatillər, və s. artardı. Çünki onları tutmaq imkansız kimi bir şey olardı. Adları olmadığı üçün heç bir qeydiyyatları olmayacaq. Beləcə, istədikləri vaxt it-bat olacaqlar.
Ən pisi isə aşiqlər bir-birini tapa bilməyəcəklər. Bu mənə türk yazıçı Hikmet Anıl Öztekinin "Ne için varsan, onun için yaşa" seriyasının üç kitabını xatırlatdı:
1.Eyvallah
2.Eyvallah
3.Fesleğen
Bu üç kitab iki aşiqin həsrətindən bəhs edir. Bir oğlan təsadüf nəticəsində bir qızla tanış olur. Bir-birlərini bəyənirlər, münasibətə başlayırlar. Ancaq heç vaxt bir-birinin adını öyrənmirlər. Nə nömrə alırlar, nə də ünvan. Günlərin birində fələk onları ayırır. Oğlanın qıza qoyduğu ləqəb "Fesleğen" olur. Oğlanı isə "Seyyah" kimi tanıyırlar. Fələyin oyunundan sonra Seyyah Fesleğeni axtarmaq üçün Məcnun kimi çöllərdə avara olur. İki kitab Seyyahın dilindən, üçüncü kitab isə Fesleğenin dilindən nəql olunur.
Belə bir həyat xəyal edirikmi özümüzə?! Xeyr. Qənaətimiz belə olur ki, insanoğlunun atdığı ən doğru qərarlardan biri ad təyin etmı qərarı olub. Ona görə bu gün ən nizamlı şəkildə davrana bilirik. Hətta nizam-intizam rahat qurmaq üçün adları ürəyimiz istədiyi kimi dəyişə, ya da ümumiləşdirə bilirik. Məsələn, mənim adım Hüseyndir, ancaq burda mənim bir neçə adım var: Qəhrəmanov, şair, əsgər və altı.
"Altı düzül" deyiləndə mən qaçmağa başlayıram. Deməli "altı"yam.
Hələ gələcəkdə məni çox ad gözləyir...
Son.
Qəhrəmanov Hüseyn
Əlaqə: 0708663812
İnstagram: qahramanov.huseyn
