“Qrin Qeyblz malikanəsinin qızı Anna” kitabı kanadalı yazıçı Lyusi Moud Montqomeri tərəfindən qələmə alınıb. Kitabdadı hadisələr Şahzadə Eduard adasında cərəyan edir. Əsasən klasik uşaq ədəbiyyatı nümunəsi sayılır, lakin hər yaşda oxuna biləcək romandır.
Mənim fikrimcə isə, xüsusilə gənc qızların oxumalı olduğu kitabdır.
11 yaşlı qız, Anna uşaqlar evində böyüyür, müxtəlif ailələr tərəfindən təmizlik, uşaqlara baxmaq niyyətiylə götürülüb. Qrin Qeyblz deyə bir yerdə yaşayan bacı-qardaş Metyu və Marilla oğlan uşağını övladlığa götürmək istəyirlər ki, Metyunun yaşına görə səhhəti ilə bağlı yaranan problemləri azda olsa aradan qaldıra bilsinlər. Lakin yanlış anlaşıldıqlarına görə, Annanı onlara övladlığa göndərirlər.
Bu təbii ki, qardaşı üçün narahat olan Marillanın xoşuna gəlmir, amma Metyu qıza çox bağlanır. Uzun sürən mübahisələrdən, düşüncələrdən sonra qızı qəbullanırlar.
Annanın macəra dolu həyatı bundan sonra yaxşıya doğru dəyişir. İlk dost, ilk rəfiqə, ilk göz yaşı, ilk haqsızlıq, ilk sevgi kimi duyğularla da tanış olur.
Anna doğru bildiyi şeyin arxasıyca getməyi nə olursa olsun bacarır, haqsızlığa qarşı susmur, özünü müdafiə edir, səhv etdikdə isə üzür istəməyi bacaran bir personajdır.
Hekayə o qədər gözəl yazılıb ki, insan özünü Avonlidə təsəvvür edir. Yaşıllıqlar içində, təbiətin qoynunda, o dövrün geyimlərində.
Kitabın müəllifi özü də Şahzadə Eduard adasında dünyaya gəlib. Anası bir müddət sürən xəstəlikdən sonra dünyasını dəyişir. Atası qızı yoldaşının qohumlarının himayəsinə ötürürür.
Montqomeri özünü onların yanında çox vaxt tənha hiss edirdi, çox kitab oxuyurdu, müxtəlif hekayələr yazırdı.
1890-cı illərin sonunda bəzi qəzet və jurnallarda nəşr olunmağa başladı. 1897-ci ildən 1907-ci ilədək 100-dən çox hekayə dərc etmişdir.
Hər səhər yeni bir başlanğıcdır, hər səhəy yepyeni bir dünyadır.
Xəyallarınızdan qətiyyən imtina etməyin. Onlar üçün savaşın, xəyal etmək gücünüzü kiçik görməyin. Həyatınızı dolu-dolu yaşayın, emosilayarınızdan utanmayın.
Heç kəs xəyal qurmaq üçün yaşlı deyil. Xəyallar əsla
yaşlanmır.
