Harland Sanders 1890-cı ildə ABŞ-da anadan olub. Atasını erkən yaşda itirdiyi üçün gənc yaşlarından işləməyə məcbur qalıb. O, müxtəlif dövrlərdə fermer, yanacaqdoldurma məntəqəsi işçisi, aşpaz, sığorta agenti kimi saysız-hesabsız işlərdə çalışıb. Lakin bu işlərin heç biri ona arzuladığı həyatı verməyib.
Sanders-in həyatı mətbəxdə dəyişməyə başlayır. Özünəməxsus 11 ədviyyatdan ibarət gizli resepti ilə hazırladığı qızardılmış toyuq qısa müddətdə məşhurlaşır. Lakin maddi çətinliklər və yol dəyişikliyi onun restoranını bağlamağa məcbur edir. Bir çoxları üçün bu son olardı amma Sanders üçün yox.
65 yaşında, cüzi pensiya pulu ilə Sanders qapı-qapı gəzərək reseptini restoran sahiblərinə təklif etməyə başlayır. Dəfələrlə rədd cavabı alır. Amma nəhayət, ilk razılaşma baş tutur. Beləcə, KFC françayzinq modeli ilə böyüməyə başlayır.
Sanders-in əzmi və səbrinin nəticəsində KFC qısa zamanda ABŞ-ni, daha sonra isə bütün dünyanı əhatə edən bir brendə çevrilir. Onun ağ kostyumu, qalstuklu görünüşü və ağ saqqalı KFC-nin simvoluna çevrilir.
O, sübut etdi ki, yaş, keçmiş uğursuzluqlar və maddi çətinliklər insanı dayandırmamalıdır. Əsas olan inanmaq, çalışmaq və son ana qədər vaz keçməməkdir.
Colonel Sanders-in hekayəsi motivasiya deyil canlı sübutdur. Əgər bu gün hər şey çətin görünürsə, bəlkə də sənin ən böyük uğurun hələ qabaqdadır.
