Britaniya Kralı III Çarlzın avtomobilləri arasında 1969-cu il istehsalı olan Aston Martin DB6 avtomobili var. Bu avtomobili digərlərindən fərqləndirən xüsusiyyət isə, nə qədər qəribə səslənsə də ağ şərab və pendirlə çalışmasıdır. Belə ki, normal yanacağa alternativ olaraq, ekologiyanın qorunması məqsədi ilə Green Fuels adlı Britaniya şirkəti tərəfindən, xammalı şərab və pendir olan bioetanol yanacağı hazırlanaraq avtomobilə vurulur.
Bu bioetanol E85 (85% bioetanol, 15% benzin) qarışığından ibarətdir və hətta bəzi mənbələrdə deyilir ki, avtomobil hərəkətdə olarkən ətrafına xoş şərab və pendir qoxusu yayır. Kral III Çarlz isə bu layihəni həm ekologiyaya töhfəsi, həm də alternativ yanacaq istifadəsinə nümunə olması üçün dəstəkləyir.
Düşünün ki, küçədə maşın keçir və arxasınca pendir–şərab qoxusu yayılır… xoşunuza gələr, yoxsa əsəbiləşərdiniz?Siz olsaydınız, hansı qida ilə işləyən maşın istəyərdiniz? 🙂
Mən olsaydım, yəqin ki, şokolad və qəhvə ilə işləyən maşın seçərdim 😄 Qoxusuna görə də maşına minməyə bəhanə axtarardım.
