Bu gün hansı günahları edəcəm,
Hansı savablarım olacaq.
Bu gün hansı yolda talehim solacaq,
Hansı yolnan getsəm tapacam səni?
Hansı yolun sonunda gözləyirsən məni?
Mən yolunu azmış, itkin,
Sən də Roma kimisən.
Bütün yollar sənə aparır.
Hər kiməm mən, get dedilər gəldim,
Cənnət bağçasından gül götürəcəkdim,
Cəhənnəmdən tikan dərdim.
Əlimdə tikan, ruhumda yarayla gəlmişəm,
Çox incimişəm, incitmişəm.
Dedilər get taparsan, gəlmədim, dayandım,
Dayanmağın özü belə sənə aparır.
Küçələr boşdu, küçələr qaranlıq,
Küçələr varsa, yoxluq aydınlıq.
Çox düşündüm, daşındım,
Deyəsən həyatın mənası,
Küçələrin olmadığını anlamaqdı.
Deyəsən küçələrin olmadığını anladım.
