![Bohinj - təəssüratlarımın ən ümdəsi](https://kofe.al/storage/images/users_posts/HnjEsN8ZlR32G6oTGCYM9Fc17L6eZTKosw27vz9J.jpg)
Sloveniya səyahətimin sonuncu dayanacağı Bohinj gölü oldu. Zənnimcə, əgər həm sözün əsl mənasında təbiət görmək, həm Alplar havasını almaq və eyni zamanda büdcəli bir ölkə axtarırsızsa, o mütləq Sloveniya olmalıdır. Yəni nə Avstriyaya, nə də digərlərinə getməyə ehtiyac yoxdur. Burada yuxarıda sadaladıqlarımı tapa bilərsiz.
Qaldığım hosteli xüsusilə vurğulamalıyam. O hostel mənim üçün bir ikiqai fəlsəfəsi yaratdı (yapon xoşbəxtlik fəlsəfəsi). Unikal hostellərdən biridir mənim üçün. Gölün düz qırağında və çox rahat, komfort bir qonaqlama mərkəzi. Bled gölündən gələn avtobus hostelin önündə saxlayır, xoşbəxtlik. Pəncərinizi açırsız və görüntü insanı heyrətə gətirir.
![](https://kofe.al/images/uploads/1690469821_image.png)
Bu 6 günlük müddət ərzində piyada 118 km məsafə qət etdim, günə təxminən 20 km.
Ölkə daxilində qiymətləri çox bəyəndim.
Kofe | 1.50-4 euro arası
Əl üstü hər hansş bir yemək (pizza və s.) | 2-5 euro
Normal 1 nəfərlik restoranda yemək | 9-15 euro
Pivə | 2-5 euro (restoran və mağaza)
Səyahət xərclərimi sizlərlə bölüşmək istərdim:
All inclusive - 433 AZN (230 Euro)
️ Nəqliyyatlar:
WizzAir: Baku – Budapest – Baku | 72 euro
Flixbus: Budapest – Ljublana – Budapest | 32 euro
Flixbus: Ljublana – Triest (İtaliya) – Ljublana | 20 euro
Local train-bus: Ljublana – Bled – Bohinj – Ljublana | təxminən 13 euro
Qonaqlama:
Hostel: 2 gece / Ljublana (Sloveniya) | 26.50 + 6 euro city tax
Hostel: 2 gece / Bled gölü (Sloveniya) | 45 euro
Hostel: 1 gece / Bohinj gölü (Sloveniya) | 20 euro
QEYD: Sloveniyaya getsəniz, MÜTLƏQ üzərinizdə nəğd pul götürün (euro).