Aprel ayı üçün kofe.al platformamızda tətbiq edilən bir neçə kiçik yeniliyi təqdim edirik.
🤩 Yeni Bəxşiş Simvolları
Üzvlərimizin istəkləri və təklifləri əsasında bəxşiş simvolların artıraraq, bəzilərində emoji şəkilləri dəyişmişik. Bundan əlavə olaraq bütün simvollar Azərbaycan dili ilə yanaşı, Türk, İngilis və Rus dillərinə də tərcümə edilmişdir. Bu isə o deməkdir ki, platformaya xarici dil ilə daxil olduqda, bəxşiş növünün dili də dəyişmiş olacaq. Bu daha əvvəl diqqətimizdən qaçan bir məqam olsa da, üzvlərimizin müraciəti əsasında sistemdə yeniliklər etdik.
Əvvəlki versiyada 39 bəxşiş simvolu olduğu halda, hazırda bu simvolların sayını 52-yə çatdırmışıq. Bundan əlavə bir çox simvolun emoji şəkillərinə də dəyişiklik etmişik. Yeni əlavə edilmiş emojilərin siyahısı və açıqlamaları:
💎 - Brilyant❤️ - Ürək❤️🔥 - Alovlu ürək🧁 - Keks🍰 - Pirojna🎁 - Hədiyyə🍍 - Ananas🍿 - Pop-korn🍾 - Şampan🌭 - Hotdoq🍑 - Şaftalı🍪 - Çərəz👜 - Çanta⚽ - Futbol topu🏀 - Basketbol topu🐲 - Əjdaha🧠 - Beyin🌷 - Tülpan
Tezliklə, daha 13 simvol da əlavə ediləcək. Əgər sizin ağlınızda olan maraqlı simvol ideyalarınız varsa, bizimlə bölüşə bilərsiniz.
🥁 Canlı yayım üçün Audio xəbərdarlıqlar
Canlı yayım açan “streamer”lərin çoxsaylı müraciətləri əsasında, yayım zamanı “kofe” bəxşişlərinin səslə xəbərdarlıq edilməsi istənilmişdi. Bu gün biz bu funksiyanı aktivləşdirərək, ilkin etapda 60 audio səs əlavə etdik.
Bundan əlavə sistemdə GİF xəbərdarlıqlar, yazılan mesajların ekranda paylaşımı və audio səsləndirilməsi də yaxın gələcəyə aid planlarımıza daxildir.
👻 Sosial media hesabları
Digər kiçik yenilik sosial media hesablarına keçid linkini əsas menyuya əlavə etməyimiz olub. Verifikasiyadan sürətli keçmək üçün sosial media hesablarınızın doldurulması və əsas kofe.al hesabınıza uyğun olması şərtdir. Buna görə də əgər hələ də sosial media hesablarınızı tam olaraq paylaşmamısınızsa, indi etməyin tam zamanıdır.
