Azərbaycanın sushi markaları üçün dizaynlarını bəyənmədiyim üçün özüm bir logo yaratmaq qərarına gəldim və onu Instagram-da satışa qoydum. Beləcə, "Sushi Baku" adında bir logo dizayn etdim. Bakı "Küləklər Şəhəri" kimi tanındığı üçün suşi içindəki balıq ətinin teksturasını küləklərin hərəkəti ilə ahəngdar şəkildə işlədim. Bundan əlavə, logoya
Bakının əsas simvollarını – Alov Qüllələrini, Televiziya Qülləsini və şəhərin digər siluetlərini daxil etdim. Yuxarıda və aşağıda yerləşdirilən çubuqlar isə suşi yemək üçün istifadə olunan chopstick-ləri simvollaşdırır. Bu logonu yaradan zaman, onun satılacağına o qədər də inanmırdım. Onu həvəskar yanaşma ilə, dizayner kimi karyeramın ilk dövrlərində yaratmışdım. Amma bir gün keçməmiş, mənə zəng gəldi və logonu çox bəyəndiklərini dedilər. Beləcə, ilk dizaynım uğurla satıldı. Bu mənim üçün unudulmaz bir an idi! Daha sonra, həmin müştərilər "Yakudza Sushi" adlı ikinci logomu da aldılar, hansı ki, onu da satış üçün Instagram-a yerləşdirmişdim.
