Axşamınız xeyir, əziz və hörmətli MA ailəsi. Aktiv izləyici baxımından əvvəlki illərə nisbətən dəhşətizm səviyyəsində geriləmişik, lakin biz yolumuza davam edirik. Artıq 10 ildir ki, incəsənət aləminin ən gözəl konseptlərindən birini ölkəmizdə tanıtmağa və sevdirməyə çalışırıq, məncə müəyyən qədər də olsa bu bizdə alınıb. Biz yolumuza davam edir, sonsuz-bucaqsız Komiks Kainatının ən dərinliklərinə doğru irəliləyirik. Marvel Comics başda olmaqla DC Comics, Image Comics, Dark Horse Comics və s. dünya brendləri olan komiks firmalarının personajları, komiksləri, filmləri və s. haqqında məlumat paylaşırıq, paylaşmağa da davam edəcəyik.
Artıq bu gündən etibarən səhifəyə yeni "reinkarnasiya" toxumları əkilməyə başlanılacaq. Buna görə də silsilə şəklində bir çox post aidiyyatı üzrə açılmış albomlara daxil ediləcək. Səhifədə hazırda saysız-hesabsız albom var, hər albomda da bir çox məlumat toplusu. Komiks icmalları, film/serial analizləri, personaj bioqrafiyaları, Marvel/DC ensiklopediyaları, personajlar haqqında "respect thread" albomları, easter egg-lər və s. dolub-daşır. Habelə, bilgi səviyyəmizi sadəcə Marvel və DC komiksləri ilə məhdudlaşdırmaq istəmirik. Buna görə də artıq mifologiyalar, oyun kainatları, kosmologiya, biologiya, din və s. kontentlərdə postlar hazırlanacaq. Komikslərin əsas qaynaq materiallarının bir çoxu mifologiyalar və dinlər əsasında hazırlandığını da yenidən nəzərinizə çatdırmaq istəyirəm. Ona görə də bu 2 məfhumun komiks ədəbiyyatında rolu böyükdür və danılmazdır...
İndi isə bu gündən etibarən paylaşacağımız bir sıra postlar barəsində "spoyler" vermək istəyirəm.
• Marvel Kosmologiyası• DC Kosmologiyası• Thunderbolts• MKK haqqında teoriyalar• The Boys kainatı• Resident Evil kainatı• Secret Wars (komiks analizi)• Mifologiyalar (skandinav, yunan, roma, türk və s.)• Personajların ölümləri və dirilişləri• Deadpool Corps• Doctor Doom origin• DC Supercaniləri• Mutant sinifləri və səviyyələri• DC Multikainatı• DC Ən Güclü Varlıqları• Galactus origin• Kəllə-Kəlləyə Versus• Secret Wars, God Doom və Battleworld• Homo immortalis• Image Comics• Dark Horse Comics• Film faktları və detalları• Seksilyard sayda easter-eggs• Stan Lee cameo-ları
Not: Bunlar sadəcə paylaşacaqlarımızın kiçik bir hissəsidir. Sizdə səhifə haqqında öz istək, şikayət və təkliflərinizi qeyd edə bilərsiniz. Əlavə olaraq da bu postun altında suallarınızı da ünvanlaya bilərsiniz. Əlavə olaraq da xüsusi həşteqlər vasitəsilə köhnə postları tapa bilərsiniz. Bizi izlədiyiniz üçün təşəkkür edirik.