Bir gecə yaş süzülər gözlərimdən,
Eşqinlə qəlbimdə açılan çiçəklər,
Solacaq birər-birər
Sən solduğun tək.
Qüdrət axtaracam özümdə,
Cəsarət axtaracam
Bütün dünyaya qarşı çıxıb
Bir möhkəm bağıracam
Tək başına qalacam meydanlarda,
Ya güllələnəcəm, ya asılacam.
Məni Ona bağlayan sən oldun
Daha nə fərqi öləcəm mən ya qalacam
Get, görüşərik, mən yolu tapıb gələ bilsəm,
Gəlib gözlərindəki nuru mən görə bilsəm.
Yad insanları bir-birinə ayrılıq birləşdirir,
Gəlib doğma olacam sənə mən ölə bilsəm.
Səni tam itirməmişəm hələ də,
Sadəcə görüş yerimiz fərqlidir.
Əvvəl 4 divar arasında,
Yayda soyuq, qışda isti,
İndi tozlu, torpaqlı səhra,
ilin hər fəsli küləkli.
