Uşaq inkişafı sahəsində 20 ildən çox işləyən həkim. UAFA təşkilatında layihə koordinatoru / meneceri kimi çalışıb. Xüsusi ehtiyacı olan uşaqlar üçün yaşa uyğun qayğı müəssisələrində deinstitusionalizasiya, Ailə Dəstəyi, İcma əsaslı reabilitasiya, Erken müdaxilə kimi müxtəlif layihələrin həyata keçirilməsinə məsul olub.Uşaq inkişafı və əlillik sahəsində təlimçi.Uşaq inkişafı, əlil uşaqlar və onların ailələri üçün bütöv xidmətlər haqqında geniş biliklərə malikdir və bu sahədəki problemlərlə yaxşı tanışdır.Əmək və Əhalinin Sosial Müdafiəsi Nazirliyi və Təhsil Nazirliyi altında müxtəlif işçi qruplarında iştirak edib və "Əlil şəxslər üçün Fərdi Reabilitasiya Proqramının hazırlanması və həyata keçirilməsi", "Deinstitusionalizasiya" kimi müxtəlif təlimatların hazırlanmasında iştirak edib.Bakı Dövlət Universitetinin Psixologiya fakültəsində "Uşaq İnkişafı" mövzusunda müəllim kimi çalışıb.Hal-hazırda, UAFA / Georgetown Universiteti CHED (Uşaq Sağlamlığı Təhsili və Sosial İnkişafı) Təsis kursunun meneceridir. Bu kursun məqsədi 0-8 yaş arasındakı uşaqlarla işləyən mütəxəssislərin bacarıqlarını artırmaq və uşaqlara münasibətdə bütöv yanaşma təmin etməkdir. Kursun dizaynı, həyata keçirilməsi, hesabatı, monitorinqi və eyni zamanda dərs keçməkdən məsuldur.Təhsil: Azərbaycan Tibb Universitetini bitirib. Uşaq inkişafı və əlillik sahəsində bir çox nəzəri və praktik təlimlərdə iştirak edib. Azərbaycanda və xaricdə müxtəlif konqreslərdə iştirak edib, həmçinin təqdimatçı kimi çıxış edib.Hazırda Azərbaycan Universitetində Sosial iş üzrə doktorantura təhsili alır.Digər peşəkar təcrübə və ixtisaslar:

Denver (5 yaşa qədər uşaqlar üçün skrininq testi) üzrə sertifikatlı tətbiqçi

PORTIC (Uşaqlar üçün inkişaf aləti) üzrə sertifikatlı tətbiqçi

IDIR / GMSD (erken uşaqlıq dövrü üçün skrininq aləti) üzrə sertifikatlı tətbiqçi