Salam! 🌱

Həyatını idarə etmək üçün daha çox motivasiyaya yox, işləyən sistemə ehtiyacın var.

Mən Human Operating System-i insanların həyatını daha şüurlu şəkildə qurmasına kömək edən praktik sistem kimi yaratmışam.

Çünki zamanla bir şeyi gördüm, insanların çoxu nə etməli olduğunu bilmir deyə yox, bildiklərini gündəlik həyatlarına çevirə bilmədikləri üçün ilişib qalır.

HOS bunun üçün var.

Burada həyatın müxtəlif sahələrini - karyera, inkişaf, münasibətlər, maliyyə, sağlamlıq və gündəlik həyatı daha sistemli şəkildə düşünmək, izləmək və dəyişmək üzərində işləyirik.

🌱 HOS Community

Həyatını yenidən qurmaq istəyən, amma bunu tək etmək istəməyən insanlar üçün bir icma yaradıram.

İcmada:–hər ay bir həyat mövzusuna fokuslanırıq;– praktik suallar və refleksiya tapşırıqları ilə işləyirik;– aylıq HOS görüşü edirik;– öz inkişafını izləmək üçün sadə sistemlərdən istifadə edirik;– ən əsası, eyni istiqamətdə gedən insanlarla birlikdə oluruq.

Bura Özünü yenidən qurmaq üçün yaratdığım sistemə daxil olmaqdır.

Mənim hekayəm

2019–2023-cü illərdə Azərbaycan Dövlət Neft və Sənaye Universitetində Kompüter mühəndisliyi üzrə təhsil aldım.

Karyerama Frontend developer kimi başladım. Daha sonra startup-larda Product Manager, dövlət və özəl sektorda isə IT Project Manager kimi çalışdım.

Fərqli rollarda işlədikcə bir şeyi daha aydın gördüm: texnologiyanın özündən çox, insanların necə düşündüyü, qərar verdiyi və birlikdə necə sistem qurduğu məni maraqlandırırdı.

Bu maraq məni sahibkarlığa gətirdi.

Hilay Company-ni qurdum, IT təhsil və inkişaf proqramları hazırladım, yüzlərlə gənclə işlədim. Daha sonra CodePays startup-ının müəllifi və həmtəsisçisi oldum, müxtəlif startup və inkişaf proqramlarında iştirak etdim və mentor kimi fəaliyyət göstərdim.

Bütün bu təcrübələrin ortaq nöqtəsi HOS oldu.

Çünki mən artıq insanlara sadəcə “nə etməli olduqlarını” demək istəmirəm.

Onlara öz həyatlarını idarə edə biləcəkləri sistem qurmaqda kömək etmək istəyirəm.

Əgər sən də...

öz həyatını daha şüurlu qurmaq, dağınıqlığı azaltmaq, qərarlarını sistemləşdirmək və dəyişiklikləri tək etməmək istəyirsənsə, HOS Community-yə xoş gəlmisən. 🌱