Guinness World Records – Pivədən Rekorda
1950-ci illərdə İrlandiyada Guinness pivə şirkətinin rəhbəri Sir Hugh Beaver bir mübahisəsi zamanı “Avropadakı ən sürətli ov quşu hansıdır?” sualına cavab tapa bilmir.vəo an anlayır ki, insanlar belə mübahisələr üçün məlumat kitabına ehtiyac duyurlar.
Başlanğıcda məqsəd nə elm, nə də media şöhrəti idi.Sadəcə, barlarda Guinness pivəsinin adını daha çox eşitdirmək istəkləri vardı.Bu kitab, mübahisələrə son qoymaq üçün yaradılmış sadə bir marketinq addımı idi.Amma təsir düşündüklərindən qat-qat böyük oldu.
Guinness World Records çox keçmədən mədəni fenomenə çevrildi və artıq insanlar “rekord qırmaq” deyəndə, avtomatik “Guinness” adını xatırlayırdılar.Kitab, pivə reklamı kimi başlamışdı, amma brenddən böyük bir brend doğdu.
Bu, content marketinq tarixində nadir hadisə idi.
Çünki Guinness öz məhsulunu birbaşa satmadı əksinə, insan təbiətini başa düşüb, ona uyğun dəyər yaratdı.
O, insanlardakı “mən daha yaxşısını edə bilərəm” hissinə toxundu.Bu hiss, milyonlarla insanı ilhamlandırdı və brendi unudulmaz etdi.
Bu gün Guinness World Records, hər il milyonlarla insanın izlədiyi, paylaşdığı və iştirak etdiyi qlobal bir hadisədir.
