IDE – Integrated Development Environment (İnteqrasiya olunmuş inkişaf mühiti) deməkdir. Bu, proqram təminatı hazırlamaq üçün proqramçılar tərəfindən istifadə olunan proqram vasitələri sistemidir. Adətən, inkişaf mühiti aşağıdakı komponentlərdən ibarət olur:
- mətn redaktoru,
- kompilyator və (və ya) interpretator,
- bağlantının (LINKAGE) avtomatlaşdırılması vasitələri,
- sazlayıcı
Ən çox istifadə olunan IDE-lərə IntelliJ IDEA, Netbeans, Eclipse, Visual Studio Code-u misal göstərmək olar. Biz kompüterimizdə adi bir mətn faylında da kodlarımızı yaza bilərik, amma bu, bizə böyük imkanlar vermir. Bu IDE-lərdən istifadə edərkən isə biz kodlarımızı daha yaxşı sistemləşdirə, qruplaşdıra bilərik, onları daha səliqəli və düzgün yaza bilərik. Çünki bu IDE-lər bizə bir çox şeydə kömək edir. Məsələn, kodumuzu { } işarələri arasında yazdığımız üçün, bu IDE-lər bizə kod blokunun başlanğıcını və sonunu tapmağa kömək edir. Əgər işarələrdən birini qoymasaq, yaxud başqa bir yazı xətamız olsa, IDE bizə qırmızı işarə ilə xəbərdarlıq edir. Həmçinin, burada siniflərimizi (class) müxtəlif paketlərə ayıraraq, onları qruplaşdıra bilirik. Öz istifadənizə uyğun olaraq, sizə ən rahat olan IDE-ni istifadə edə bilərsiniz. Hətta istəyə uyğun olaraq, arxa fonu ağ yaxud qara olaraq da təyin edə bilərsiniz. Əsasən, eyni işi gördüklərinə görə, bu IDE-lərdən özünüzə ən rahat və ən uyğun olanı seçib istifadə edə bilərsiniz.
Məsələn, Intellij-də kod belə görünür:
