Dünyanın dörd bir yanından onlarla vəhşi heyvan növünün Azərbaycana gətirilib təbiətə buraxıldığını bilirdiniz? Bu xəritə həmin növlərin bəzilərinin vətənini göstərir. Onlardan bəziləri yerli təbiətimizdə inanılmaz fəsadlar törədən işğalçı növlərdir.
Sovet dönəmində ölkə təbiətinə onlarla müxtəlif canlı gətirilib uyğunlaşdırılmağa (akklimatizasiya edilməyə) cəhd olunsa da onlardan yalnız bəzilərini günümüzdə görmək olar. Hazırda böyük ekoloji fəsadlar törədən, bugün demək olar bütün meşələrimizdə olan Amerika yenotu və su hövzələrimizi işğal edən nutriya (bataqlıq qunduzu) və onların fəsadları barədə Baku Araşdırmalar İnstitutu üçün yazdığım məqalələrdən tanış ola bilərsiniz.
Bu yazıda isə ölkəmizə gətirilmiş digər canlı növlərindən bəhs edəcəm. Hazırda onların ölkəmizdəki vəziyyəti barədə məlumat yoxdur (Zoologiya İnstitutu, 2023).
