Visa bank və fintex şirkətlərinin rəqəmsal dollar buraxması, saxlaması, köçürməsi və geri alması üçün vahid sistem olan Visa Stablecoin Platformasını - VSP-ni təqdim edib. Platforma ilkin mərhələdə Open Standard tərəfindən yaradılmış yeni stabilkoin - OpenUSD dəstəyi ilə istifadəyə verilib.

VSP maliyyə qurumlarına nə verir?

• Wallet-as-a-Service infrastrukturu

• Blokçeyn şəbəkələrinə bağlantı

• İki mərhələli təsdiq prosesi, audit qeydləri və icazəli köçürmə siyahıları

• Visa-nın mövcud ödəniş şəbəkəsi ilə birbaşa inteqrasiya

Beləliklə, banklar mövcud sistemlərini tamamilə dəyişmədən stabilkoinləri xəzinədarlıq, hesablaşma və ödəniş proseslərinə inteqrasiya edə bilərlər.

Lakin əsas məsələ platformanın arxasındakı biznes modelidir. OpenUSD-nin arxasında dayanan Open Standard konsorsiumunun dəstəkçiləri arasında Visa, BlackRock, Alphabet Inc. və Coinbase kimi şirkətlər var.

Bu model stabilkoin iqtisadiyyatının qaydalarını dəyişir:

→ Stabilkoin buraxılışı və geri alınması üçün komissiya yoxdur

→ Ehtiyat aktivlərindən əldə edilən gəlirin demək olar ki, hamısı distribusiya tərəfdaşlarına qaytarılır

Bu yanaşma gəlirin stabilkoin emitentlərindən onu istifadəçilərə çatdıran və yayan şirkətlərə yönəlməsi deməkdir.

💬 Visa-nın məhsul və strategiya üzrə direktoru Cek Forestell bildirib ki:

“Stabilkoinlər proqramlaşdırıla bilən pulun yeni səviyyəsini yaradır. Lakin əksər maliyyə qurumları üçün əsas çətinlik konsepsiyanın özü deyil, onun real əməliyyat proseslərində tətbiqidir.”

Daha ətraflı: Wecom.az