Sosial mediadan gəlir əldə etmək deyəndə çoxlarının ağlına böyük izləyici sayı, reklam müqavilələri və milyonlarla baxış gəlir.
Sosial mediadan gəlir əldə etmək deyəndə çoxlarının ağlına böyük izləyici sayı, reklam müqavilələri və milyonlarla baxış gəlir. Əslində isə yaradıcı fəaliyyətindən pul qazanmaq üçün hər zaman böyük auditoriyaya ehtiyac yoxdur.
Bəzən səni mütəmadi izləyən və yaratdıqlarını həqiqətən dəyərləndirən kiçik, amma aktiv auditoriya daha çox qazanc gətirə bilər.
Kofe.al yaradıcı şəxslərə izləyicilərindən birbaşa dəstək almaq, aylıq abunəlik yaratmaq, eksklüziv kontent paylaşmaq, canlı yayımlardan qazanmaq, məhsul və xidmətlərini satmaq imkanı verir.
Bəs Kofe.al-dan istifadə edərək necə pul qazanmaq olar?
Kofe.al-da pul qazanmağın ən sadə yolu izləyicilərindən birdəfəlik dəstək almaqdır.
Buradakı “kofe” real qəhvə deyil. Bu, izləyicinin yaratdığın kontentə görə sənə təşəkkür etməsinin və fəaliyyətinin davamına töhfə verməsinin daha səmimi formasıdır.
Şəxsi Kofe.al linkini:
Sadəcə linki paylaşmaqla kifayətlənmə. İzləyicilərinə bu dəstəyin nə üçün lazım olduğunu izah et.
Məsələn:
“Bu kimi videoların davamını istəyirsənsə, mənə bir kofe ala bilərsən.”
və ya:
“Hazırladığım kontent sənə faydalı oldusa, Kofe.al üzərindən fəaliyyətimə dəstək ola bilərsən.”
İnsanlar dəstəklərinin hansı nəticəyə çevriləcəyini bildikdə ödəniş etməyə daha çox meyilli olurlar.
Birdəfəlik dəstək yaxşı başlanğıcdır. Lakin daha davamlı gəlir əldə etmək üçün aylıq abunəlik modeli yarada bilərsən.
Kofe.al-da fərqli qiymət və üstünlüklərə malik abunəlik səviyyələri yaratmaq mümkündür. Abunəçilər hər ay sənə dəstək olur, əvəzində isə xüsusi kontent və üstünlüklər əldə edirlər.
Abunəçilərə təklif edə biləcəyin üstünlüklər:
Burada əsas məsələ çoxlu üstünlük təqdim etmək deyil. Hər ay davamlı şəkildə təqdim edə biləcəyin real və faydalı təklif yaratmaqdır.
Məsələn, 5 AZN-lik abunəlikdə eksklüziv yazılar, 15 AZN-lik səviyyədə isə yazılarla yanaşı aylıq qapalı görüş təqdim edə bilərsən.
Kofe.al yalnız dəstək toplamaq üçün profil səhifəsi deyil. Platformada bloq yazaraq fikirlərini, təcrübələrini və faydalı materiallarını da paylaşa bilərsən.
Bloq yazısını yalnız sənə kofe alan və ya abunə olan şəxslər üçün açıq etmək mümkündür. Beləliklə, faydalı kontentin bir hissəsini birbaşa gəlir mənbəyinə çevirə bilərsən.
Eksklüziv kontent kimi bunları təqdim etmək olar:
Məsələn, mövzunun qısa versiyasını sosial mediada paylaşaraq, tam materialı Kofe.al profilində yerləşdirə bilərsən.
Bu üsul həm yeni izləyicilər cəlb edir, həm də mövcud auditoriyanı dəstəkçiyə çevirməyə kömək edir.
YouTube, Twitch və ya Kick platformalarında canlı yayım edirsənsə, Kofe.al vidcetlərini yayımına əlavə edərək izləyicilərdən real vaxtda dəstək ala bilərsən.
Dəstək mesajlarının yayımda göstərilməsi prosesi daha interaktiv edir və digər izləyiciləri də iştirak etməyə həvəsləndirir.
Kofe.al canlı yayım alətləri ilə:
Sadəcə “mənə dəstək olun” demək əvəzinə konkret məqsəd göstərmək daha effektiv ola bilər.
Məsələn:
“Yeni mikrofon almaq üçün 300 AZN toplamağa çalışıram.”
“Yeni podkast mövsümünün çəkilişləri üçün dəstək ola bilərsiniz.”
“Bu ay həftədə iki yeni video hazırlamaq istəyirəm.”
İzləyici ödənişinin hansı məqsədə xidmət etdiyini gördükdə dəstək vermək daha asan olur.
Kofe.al üzərindən qazanc əldə etməyin başqa bir yolu dəstəkçilər və abunəçilər üçün xüsusi onlayn tədbirlər təşkil etməkdir.
Burada ayrıca kurs və ya məhsul satmaq əvəzinə, tədbirə giriş imkanını sənə kofe alan və ya aylıq abunə olan şəxslərə təqdim edə bilərsən.
Təşkil edə biləcəyin tədbirlərə nümunələr:
Məsələn, sosial mediada süni intellekt haqqında kontent paylaşır, ayda bir dəfə isə dəstəkçilərin üçün “İş və gündəlik həyatda istifadə edilə bilən AI alətləri” mövzusunda qapalı görüş təşkil edə bilərsən.
Digər bir nümunə olaraq, karyera mövzusunda paylaşım edən yaradıcı abunəçiləri üçün CV hazırlığı, müsahibə təcrübəsi və peşə seçimi ilə bağlı sual-cavab görüşü keçirə bilər.
Tədbirə giriş üçün ayrıca bilet satmağa ehtiyac yoxdur. Giriş linkini yalnız sənə dəstək olan və ya aktiv abunəliyi olan şəxslərlə paylaşmaq mümkündür.
Bu yanaşma izləyicilərə sadəcə kontent deyil, səninlə birbaşa ünsiyyət və xüsusi icmaya daxil olmaq imkanı verir. Eyni zamanda birdəfəlik dəstəkçilərin zamanla daimi abunəçiyə çevrilməsinə kömək edir.
Kofe.al hesabı yaratmaq öz-özlüyündə qazanc yaratmır. İnsanlar profilinin mövcud olduğunu və sənə necə dəstək ola biləcəklərini bilməlidirlər. Buna görə linkini yalnız bir dəfə deyil, mütəmadi paylaş.
Bunu edə bilərsən:
Eyni çağırışı hər dəfə təkrarlamaq əvəzinə fərqli yanaşmalardan istifadə et.
Bir paylaşımda yeni avadanlıq üçün dəstək istə, digərində eksklüziv material təqdim et, başqa bir paylaşımda isə aylıq abunəliyin üstünlüklərini göstər.
İnsanlar bəzən kontenti bəyənir, amma dəstək vermək imkanının olduğunu sadəcə bilmirlər.
Kofe.al-dan daha davamlı gəlir əldə etmək üçün yalnız bir üsulla kifayətlənməyə ehtiyac yoxdur.
Məsələn:
Bu yanaşma izləyicini mərhələli şəkildə sadə izləyicidən dəstəkçiyə, daha sonra isə daimi abunəçi və müştəriyə çevirir.
Bunun konkret limiti yoxdur. Qazancın auditoriyanın ölçüsündən daha çox, izləyicilərinlə qurduğun münasibətdən, yaratdığın dəyərdən və dəstək imkanını necə təqdim etməyindən asılıdır.
Kofe.al toplanan məbləğə limit tətbiq etmir. Platforma bütün əməliyyat xərcləri daxil olmaqla 9% xidmət haqqı tutur. Birdəfəlik dəstək ödənişləri növbəti gün bank kartına köçürülür.
Əsas məsələ minlərlə izləyicinin olması deyil. Səni həqiqətən izləyən, yaratdıqlarını dəyərləndirən və fəaliyyətinin davam etməsini istəyən auditoriya formalaşdırmaqdır.
🌟 Yarat. 🚀 Paylaş. 💵 Dəstək qazan.
Nəhayət çoxdan bəri gözlənilən yeniliyi əlavə etdik. Bloq yazılıarınızı yalnız kofe alaraq, dəstək o
Yeni dəstəkçi hesabı ilə yaradıcı şəxslərə dəstək olanlar da öz dəstək tarixçələrini izləyə bilərlər
Aprel ayı üçün platformada tətbiq etdiyimiz yeniliklər; yeni bəxşiş simvolları, xəbərdarlıq səsləri
