"Bu seminardan sonra gəliriniz 3 dəfə böyüyəcək."Seminarın ilk dəqiqəsi idi və Brayan Treysi iştirakçıları salamlayıb onlara gedişat haqqında danışırdı.
Birdən bizə qayıdıb dedi ki, "bu görüşdən sonra 3 dəfə çox qazanmağa başlayacaqsız".Zalda qəribə bir sakitlik yarandı. Bir qisim insan "küləklədiyini" düşündü. Bir qisim insanın isə ağlına ilk dəfə belə bir fikir gəldi. Yəni biz doğurdan da 3 dəfə çox qazana bilərik?!Sualı soruşmuş olanların bəzilərinin üzündə təbəssüm yarandı. Əksəriyyəti heç vaxt bu barədə düşünməmişdi. Yəni özlərini bu qədər səriştəli və bacarıqlı biri kimi görməmişdilər.Brayan üçün hava gözəl idi. 4 ay əvvəldən 80.000 manat hesabına köçürülmüşdü. Seminardan 1 saat əvvəl Four Seasons hovuzunda üzüb, çıxıb, qurulanıb bizimlə 8 saat keçirəcəkdi. Onun yaşına başına və enerjisinə baxanda anlayırdın ki, Brayana heç vaxt Odlar Yurdunun istisi dəyməyib. Amma onun gəldiyi yerlərdən Santa Barbara istisi yayılırdı. Bu da gözəl alternativ idi.Həmin seminardan illər keçdi. Onunla əməkdaşlıq etdim. KVAN kitabı üçün rəy verdi. Amma əsas məsələ o oldu ki, 3 dəfə artıq qazanmadım. 2 dəfə artdı gəlirlərim. İndi bunları yazanda belə üzümə təbəssüm gəlir. Seminarda bizə qeyri-adi alətlər verdimi?Xeyr.Amma o cümləsi elə ən güclü alət idi.Bizi oyatmışdı.Bizi inandırmışdı.Özümüzə inam yaranmışdı.Yazını Nikoz Kazantzakis müəllimin sözləri ilə bitirirəm:"In order to succeed, we must first believe that we can."Tərcüməsi budur:"Bir şeyi edə bilmək üçün onu edə biləcəyinə inanmalısan."
