Hal‐hazırda burada hərkəs hər şeydən narazıdır. Öz maddi‐mənəvi məsələlərindən, ölkə siyasətindən, mental dəyərlərdən, cahillik və avamlıqdan, müasirlikdən, əxlaq və mədəniyyət prinsiplərindən və s. Bəli, hamı hərşeydən narazıdır, ancaq bəziləri öz reputasiyası üçün susur, bəziləri isə sadəcə bu narazılıqları ictimailəşdirməyə və başqalarınıda narazı olmağa çağırır. Bir növ Kefli İsgəndərlər. Buranın Kefli İsgəndərləri elə buranın müxalifəti kimidir. Narazıdı və bir çox işlərin tərs getdiyini düşünürlər, ancaq həll yolu üçün təklif irəli sürmürlər. Problemnən danışmaq asantdı, hərkəsin problemi özünə ağırdı. İntihar edən insanların həyatına baxsaq, fərqli səbəblər var və bu səbəblər bizə intihar üçün mənasız gəlir. Amma düşünmək lazımdır ki, bizim üçün mənasız olan problemlər kimlərinsə həyatına son qoyur.
Bəli problemnən danışmaq asantdır. Dərtləşdiyiniz insanlara baxın, sizə təsəlli və məsləhət verdikləri qədər sizə doğma gəlir. Burda hərkəs narazıdır, amma heçkəs çıxıb "mən həll edərəm" demir. Çünki biz Şərqlilər, hər zaman bir "qəhrəman" gözləmişik. Biz bir şeyləri düzəltməyə, həll etməyə, sağaltmağa ərinən bir xalqıq. Bunları bizim yerimizə edəcək birini gözləməyə köklənmişik. Etiraz, mübarizə ağır gəlir. Özümüzü mərkəzə qoya bilmirik, başqasını mərkəzləşdirməyə çalışırıq. Ümid edirik.
Arxasında söykənəcəyi biri olan insan necə də cəsarətli olur. Sevildiyini bilən adam necə də cəsarətli olur. Güc və cəsarət söykəndiyin yerdən gəlir. Qəhrəman gözləyən xalqlar qəhrəman yetişdirmir! İnsanlar qəhrəmanları ölü sevir. Diqqət cəlb etmək üçün, simvol olmaq üçün bir hekayən olmalıdır. Burda ölümsüzlər əsasən ölənlərimiz olur.
Biz qəhrəmanları ölü sevirik..
Yüksək təzyiq altında, travmalı, qorxularından sırtıqlaşmış, özü özünü sağaldan, özü özünü böyüdən, özünü sübut etməyə çalışan natamam və egoist insanlar yetişdirdiyimiz qədər bir qəhraman yetişdirə bilmirik. Burda intiharı ucuzlaşdırmışıq. Sinifdə danışdığı üçün danlanan gənclikdən cəsarət və mübarizə gözlüyürük. Yetişdirə bilməyəcəyimiz ideal qəhrəmanları simvollaşdırmışıq. Amma gözlədiyimiz qəhrəmanlar bizi zülmdən xilas etmək üçün yox, bizim zülmümüzdən xilas etmək üçün burda olacaqlar!
