Başlıq: Yeni il hədiyyəsi nağılı | Tural Qafarzadə | Nağıllar və HekayələrMüəllif: Tural Qafarzadə
Kanaldakı digər çizgi filmləri izlə: 
• 🎞️ Azərbaycan dilində cizgi filmləri
Tiktok: 
/ ulduzluyol
Instagram: 
/ ulduzluyol
Azerbaycan dilinde cizgi filmleri / Nagil / Hekaye / Nağıl / Hekayə / Öyrədici / Oyrədici / Usaq kanali / Uşaq kanalı / Yeni il hədiyyəsi / Yeni il hediyyesiEtiketlər: nağıl, nağıllar, nagil, nagillar Azərbaycan dilində nağıllar, Azerbaycan dilinde nagillar, öyrədici uşaq kanalı, oyredici usaq kanalı, Мультфильмы на азербайджанском языке, Поучительные мультфильмы на Азербайджанском языке, Azerbaijani fairy tales, Azerbaijani animated films for children, çizgi film, cizgi film, Azerbaycan masalları, Azərbaycan nağılları, Tülkü, Tulku, yeni il, dovşan, serçə, dələ
#uşaqlarüçün #uşaqkanalı #ulduzluyol #nağıllar #nagillaralemi #azerbaijanfairytales #azerbaycan #azerbaijan #usaqlarucun #uşaqvideoları
*Yeni il Hədiyyəsi nağılı*
Biri var idi, biri yox idi. Meşədə balaca bir tülkü yaşayırdı. Yeni il ərəfəsi idi . Bala Tülkü isə yeni ilin nə olduğunu bilmirdi. Bir gün tülkü meşədə dələyə rast gəlir və ondan soruşur:
-Yeni il nədir?
Dələ Tülküyə dedi:
-Yeni il hər kəs üçün bir bayramdır. Yeni ildə möcüzələr baş verir və Şaxta baba evdə valideynlərin sözünə baxanlara, yaxşı işlər görənlərə yeni il axşamı hədiyyələr gətirir.
Tülkü fikrə getdi və Şaxta babadan onun üçün yeni il hədiyyəsinin olub olmadığını düşündü. Tülkü o an xatırlamağa başladı:-Valideynimin sözünə baxmadım, gəzmək üçün evdən qaçdım, quşları incitdim. Yaxşı bir şey etmədiyim üçün yəqin ki, Şaxta baba mənə hədiyyə verməz.
Tülkü bunları düşündü və çox kədərləndi. Tülkü yenə də Şaxta babadan hədiyyə almaq istəyirdi.
Bir gün bala tülkü meşədə gəzirdi. O, otların arasında bir dovşanın tələyə düşdüyünü gördü. Bala tülkü dovşanın tələdən azad olmasına köməklik etdi və dovşan qaçmadan ona öz təşəkkürünü bildirdi.
-Çox sağ ol Tülkü. Məni xilas elədin.
Tülkü təəccübləndi, çünki yaxşı işlər görmək heç də çətin deyilmiş. Tülkü sevincindən meşədə qaçmağa başladı. O, çox sevinirdi. Birdən qarın üstündə kiçik bir sərçə balası gördü. Sərçə balası ağlayırdı. Tülkü sərçədən soruşdu.
-Niyə ağlayırsan?
-Ağacdakı yuvadan düşmüşəm.
Sərçə dedi. Tülkü çətinliklə də olsa bala sərçənin yuvaya qalxmasına kömək etdi. Evə qayıdan tülkü evdə heç kəsi tapa bilmədi və evi təmizləməyə qərar verdi. O, evi təmizlədikdən sonra anasının gəlməsini gözlədi. Tülkünün anası evə gələndə çox təəccübləndi və çox sevindi. Balasına baxıb dedi:
-Afərin sənə! Evi təmizlədiyin üçün çox sağ ol.
O vaxtdan bəri bala tülkü yaxşı işlər görməyə qərar verdi . Və nəhayət Yeni il günü gəldi çatdı. Bala tülkü çox səbirsizliklə Şaxta Babadan öz hədiyyəsini gözləyirdi. O, səhər yuxudan oyanan kimi şam ağacı olan otağa qaçdı ki, görsün şaxta baba ona hədiyyə gətiribmi? Şam ağacının altındakı hədiyyələri görəndə gözlərinə inanmadı. Şam ağacının altında onun üçün də hədiyyə var idi. Hədiyyənin üstündə məktub da var idi. O balaca olduğu üçün oxuya bilmirdi. Məktubu oxumaq üçün anasına verdi:
-Anacan, hədiyyənin üstündə məktub var. Bax gör nə yazıblar?
Ana Tülkü məktubu götürüb oxumağa başladı. Məktubun üzərində yazılmışdı:
-Şaxta babadan sözə baxan bala tülküyə. Sən sözə baxdığın üçün hər kəsə yaxşılıq etdiyin üçün bu hədiyyələri sənə gətirmişəm.
Bala tülkü bu sözləri eşidib çox sevindi və bundan sonra sözə baxacağına, heç kəsi incitməyəcəyinə söz verdi.
