Yəqin ki, sevdiyiniz məkanlarda kokteyllərin tərkibində tez-tez infuse sözünə rast gəlirsiz. Busy-nin ortasında ofisiantdan soruşmuyun – BİZ DEYƏK SİZƏ
Ingiliscədən gələn “infuse” sözü dilimizə dəmləmək və ya nüfuz etmək mənalarında tərcümə olunur. Səbəb odur ki, infyuzlar bitki komponentinin dad, rəng, ətir kimi bütün kimyəvi xüsusiyyətlərini nüfuz etdiyi mayeyə vermıəsi yolu ilə əldə edilir. İnfyuz təkcə alkoqol və spirtlə deyil, su və yağla da ola bilər. Hazır doymuş mayeni almaq bitki mənşəli məhsulun özündən və nüfuz vaxtından asılıdır.
Əgər son illərin ən dəbli trendi zero waste – yəni tullantısız istehsaldan danışırıqsa infyuzlar həm məhsulların tullantıdan xilasında, həm də barın qənaətində əvəzsiz rol oynayır. Məsələn ən primitiv misal - siz portağalın şirəsini çəkdikdən sonra onun qabığını tullamaq əvəzinə infyuzda istifadə edə bilərsiniz.
İnfyuz günümüzdə ən çox qurudulmuş otlar, çay, giləmeyvə, çiçəklər və sitrus meyvələrinin qabığı ilə hazırlanır. Cin, vodka, burbon və rom isə ən çox infyuz olunan içkilıərdir. Hər içkinin yaxşı adaptasiya olduğu bitki bitki mənşəli maddələr kateqoriyası var. Məsələn, cin və burbon çay, kofe və sitrus meyvələri ilə əla dəmlənir. Və yaxud Aperoldaki acılığı moruq, böyürtkən kimi şirin komponentlərlə infyuz edib balanslaşdıra bilərsiz. İnternetdən çox maraqlı kombinasiyalr tapa bilsəniz də, özünüz təcrübələr etməkdən qorxmayın. İnfyuzlara istənilən klassik kokteylə əla toxunuşlar etmək olur.
Adi içməli suyu belə limon, xiyar və ya nanə ilə qonaqlarınız üçün infyuz edə bilərsiniz. Bu sizinçün qəpik-quruşa baş gəlsə də qonaqlarınız üçün yeni təcrübə, yadda qalan təsurata çevrilə bilər.
