Çoxdandır barəsində düşündüyüm təşəbbüslərdən biridir. Düşünürəm ki, illər ərzində topladığım və oxuduğum (toplayacağım və oxuyacağım) kitablar tək məni zənginləşdirməməlidir. Başqaları ilə söhbətlərim, qısa bloq və ya FB/Instagram yazılarında kitablar haqqında rəylərimi bölüşmüşəm, amma həm də fiziki daşıyıcı kimi kitabları da bölüşmək təşəbbüsünü həyata keçirmək istəyirəm. Buna görə də bu gün üçün artıq 120 kitabı “Rüfət Abdulla İcma Kitabxanasının” kataloquna daxil edib bölüşmüşəm. Lakin kitabxananı mütəmadi zənginləşdirmək üçün təşəbbüsümə dəstək ola bilərsiniz.
