Yazımın başlığı Valentin Serovun sitatıdır. Bəs bu Valentin Serov kimdir?
Valentin Serov, 46 yaşında ürək tutmasından rəhmətə gedib. Onun həyatı çox macəralarla dolu deyildi, və onun haqqında deyiləcək çox söz yoxdur. O sakit birisi idi, introvert idi, və öz həyatı barədə danışmağı sevmirdi. Lakin onun haqqında bioqrafiya kitabı yazan İqor Qrabarya bəzi şeyləri danışıb. Kitab dərc olunanda, əsərin qəhrəmanı artıq həyatda deyildi. Bu kitab daha çox bir rəssamın yolundan bəhs edirdi.
O, məşhur bəstəkar Aleksandr Serovun ailəsində dünyada gəlmişdir. Atası 51 yaşında dünyasını dəyişdikdən sonra, anası Serov ilə birlikdə xaricə köçür. Anası musiqi ilə məşğul olmaq istəyirdi. Valentin isə orada tək böyüyürdü və çox sıxılırdı.
Qrabar yazırdı ki: “o yavaş-yavaş vəhşiləşirdi, və bir canavara dönüşürdü. Onda sirrvermızlik, qaşqabaqlılıq və şübhəlilik yaranırdı.”
Amma Valentin şəkil çəkməyi çox sevirdi, xüsusilə atların rəsmlərini çəkirdi. Anası onun rəsmlərini İlya Repinə görsətdikdən sonra, Repin onun müəllimi oldu, və sonradan onu incəsənət akademiyasına göndərdi.
Artıq 22 yaşında onun tərəfindən çəkilən rəsmlər adi şəkillər deyildi, bir ustadın tərəfindən çəkilən şəkillər idi.
