Bütün dünyada turizm sahəsinə göstərilən marağın hamımız fərqindəyik. Bəs turist olmaq necə hissdir?
Səyahət etmək, dünyagörüşünü artırmaq, yeni insanlar tanımaq, fərqli təamlar dadmaq!
Paytaxtımıza son zamanlar turist axınının daha da artdığını görmək sevindirici haldır.
Turizmlə maraqlananlar üçün BBC-nin bir məqaləsinin linkini yerləşdirirəm:
https://www.bbc.com/azeri/international-48775065
Qısaca, səyahət etdiyiniz şəhəri bazar kimi yox, turistik məkan kimi görmək lazımdır. Ətraf mühiti zibilləmək, adət-ənənələrə hörmətsizlik etmək düzgün deyil. Hər bir halda nəzakətli davranmağı, planınızı əvvəlcədən qurmağı nəzərinizdə saxlayın.
İndi isə, bu gördüyünüz şəkil haqqda qısaca məlumat vermək istərdim. Jurnalist olsam belə, insanlara ilk addım atmaq mənim üçün daim çətin olub. Lakin bu dəfə, daha doğrusu isə, aprel ayının 11-i cəsarətimi toplayıb, turistlərə yaxınlaşdım. Həyəcandan nə deyəcəyimi bilmirdim, rusca danışdıqlarını eşitdim və onlardan şəkillərini çəkmək üçün icazə istədim. İlk təcrübəm uğurlu oldu. Bu sualımı çox xoş qarşıladılar, daha sonra getmək istədikləri məkana necə gedə bilərlər deyə soruşdular. Çox səmimi və şirin idilər.
Bu qısa hekayədən belə nəticə çıxara bilərik ki, ilk addımı atmaq həmişə çətin olacaq. Çünki daha əvvəl etmədiyimiz bir şeyi etmək istəyirik. Çünki “yox” sözünü eşitməkdən çox qorxuruq. Çünki mənliyimizə sığdırmırıq, lakin əgər qəlbən bir şeyi çox istəyirsizsə, qorxunuzun üstünə gedin.
Geri baxanda, qorxduğunuzu deyil, qorxunuzun, həyəcanınızın üstünə getdiyinizi yada salın.
#turizm #baku #azerbaijan #fotoqrafiya #azərbaycan #bakı
