Bir çox alternativ çap üsullarını istifadə etmək mənim üçün sehirli bir dünyaya qapı kimidir. Çünki çəkdiyim fotolara istədiyim tonları verə bilir və onlara ən əsası telefonun ekranından yox toxunaraq baxa bilirəm. Bu mənə kitabxanaya getdiyim zamanlar köhnə illərin kitablarına toxunduğum duyğuları bəxş edir. Bu proses zamanı ən əsası tamamilə sakitliyə bürünürəm. Qurduğum kiçicik laboratoriyada kimyəvi məhlulları həll edirəm və onları fotolarda istifadə edirəm. Çay, kofe və müxtəlif istənilən vasitə ilə fotolara müəyyən tonlar əlavə etmək mümkündür.
