- musiqi ` vokal ` mastering : Azər Zadə (2020)
boğulmazdan əvvəl gözlərivin önünə gələn həyatın, sanki sağ qalmaq oyunu, sanki bir təlaş, sıxıntıdan irkilmək, çırpınmaq idi.
çarəsizliyin məngənəsində məhv olan illər, son saniyələr. bir gəminin batışından əvvəl, ya da dalğalarla süpürüldükdən sonra, hələ də ümidin varmı sakitcə keçmişi xatırlmağa?
görünməz bir əl şəkil albomunun səhifələrini çevirərkən, sən bir poni atının üzərində, şamları üfürərkən başındakıysa oxşayır konusvari papağa.
nə haqqındadı bu qısa animasiya filmi, bu təqdimat? həyatın bir kompozisiyada əks olunur, yoxsa bir modelin fotolarında?
bu ani flaşdan daha yaxşısı ola bilməzdi mi? məhv olur gözüvün önünə gələn üç böyük cilddə bioqrafian, bütün varlığın simanda yoxa çıxır qaşlarını çatanda.
qurtulanlar parıltılara inanardılar yəqin, parıltılar sönməzdən əvvəlki ən parlaq işığa, suyu yara-yara gedən həqiqətlərə, səni batıran bilinməz ağırlığa.
lakin, əgər sürüklənərkən gözünün önünə gəlirsə nəsə, bu çox güman ki oxşayacaq balığa.
çırpınışdan yaranan ani bir bulanıqlıq kömək etmir yaşamana, nə də ölümünə.
dərin çaxnaşmalara doğru batarkən, çırpınışlar aparır səni dibə doğru,
sən artıq unutduqlarını geridə buraxarkən, ya göl içinə çəkir hər şeyi, ya da su üzü yol alır artıq buludlara doğru.
- Billy Collins - The Art of Drowning (University of Pittsburgh Press, 1995)
