1958-ci ilə qədər bəzi universitetlərin tədqiqat laboratoriyalarında sadə oyunlar hazırlansa da, bu oyunların animasiya qrafikası yox idi. Lakin 1958-ci ildə amerikalı fizik Vilyam Hiqinbotam "Tennis for Two" adlı bir videooyun hazırladı. Osiloskop (ölçü cihazı) ekranında nümayiş etdirilən bu sadə oyunda hərəkətli qrafikalardan istifadə edildiyi üçün "Tennis for Two" tarixin ilk videooyunu hesab olunur. Maraqlıdır ki, Hiqinbotam ilk nüvə bombasını hazırlayan komandanın üzvü idi. Amma bir müddət sonra o, nüvə silahının yayılmasının qarşısını almaq üçün mübarizəyə başladı.
