Qarşımızda həbsxana, eşq və məhkəmə üçlüyündən ibarət bir film var. Şübhəsiz ki, bu filmin ən mühüm və ən mübahisəli xüsusiyyəti onun janr seçimidir. Ledi Qaqanın transferi ilə birlikdə çəkiliş prosesindən bəri danışılan bu seçim tamaşaçılar arasında fikir ayrılığına səbəb olmuşdu. Çünki müzikl janrını sevmirsinizsə, "Joker: Folie à Deux" filmini bəyənmək şansınız çox azdır. Janr seçimi bu ssenariyə qətiyyən uyğun gəlmir. Filmin ən yaxşı tərəfi təbii ki, onun operator işi və digər texniki xüsusiyyətləridir. Yeri gəlmişkən, musiqilər də ilk filmdən geri qalmır. Ssenari və gedişat baxımından birinci filmin xaotik davamını görmək istəyənləri böyük məyusluq gözləyir. Ümumiyyətlə, Cokerə və "DC" kainatına yaraşmayan bir personaj yaradıblar. Bu personajı qəbuledilməz bir nöqtəyə itələyən bərbad məzmun, final epizodu ilə tabuta son mismarı vurur. Filmin həm "IMAX", həm də normal versiyasını izləyən biri olaraq rahatlıqla deyə bilərəm ki, bu film heç nə vəd etmir və böyük vaxt itkisidir. Bu filmə baxmayın, baxmaq istəyənlərə mane olun! Zarafat edirəm, özünüz bilərsiniz. Çox vecimədir axı... 😐
