Həqiqət və illüziya.Əslində bütün bəşəriyyət tarix boyu bu ikili arasında get-gəl edib və edir.Həqiqət və illüziya arasındakı get-gəllər özünü yazılan kitablarla, edilən çıxışlarla, göstərilən mövqelərlə büruzə verir.Həqiqət və illüziya arasındakı fərqi sezdikcə bu fərqin sərhəd xətti daha da qətiləşir.Həqiqət birdir, lakin sonsuzdur. İllüziya isə limit libasına bürünmüş və konkret funksiyası olan müvəqqəti haldır.İllüziyanın əsas funksiyası isə Həqiqəti göstərməkdir. İnkarı inkar Həqiqəti üzə çıxarır. Beləliklə ətrafda olan hər şeydə - BMT-də də, bir qarışqada da həm Həqiqət, həm də İllüziya var. Həyat başdan başa illüziyadır fikri də, gördüyün hər şey yalnız Haqqdır fikri qədər yarımçıqdır. Məzmun və forma vəhdətini heç kəs tövsir edə bilməz.Həm Həqiqəti, həm də İlüziyanı sezə bilməyimiz, yəni onları eyni anda, lakin fərqli görə bilməyimiz onlara olan münasibət (o cümlədən də davranış) üçün yolgöstəricidir. Problemlərimiz ona görə yaranır ki, Həqiqətlə illüziya kimi davranır, İllüziyanı isə Həqiqət kimi qəbul edirik. Bir sözlə xətlər qarışır və işimiz, münasibətlərimiz, cəmiyyətdəki situasiyamız və sair xaosa münasib olur. (ardı var).
