Günümüzdə insanlar hər saniyəsini dəyərləndirir.Markalar isə bu ritmə uyğunlaşaraq tez əldə olunan, az vaxt aparan təcrübələr yaratmağa çalışırlar.
Bir sözlə “Vaxtımı alma“ deyirlər.
Müasir brendin uğuru, müştərinin vaxtına göstərdiyi hörmətlə ölçülür.
Dünyada artıq hər şey “tez” ritmində dövr edir — istehlakçı tələsmir, qaçır.İnsanlar indi uzun reklamları, mürəkkəb prosesləri və gözləməyi sevmir.O, səhər evdən çıxarkən qəhvəsini 1 toxunuşla sifariş edir, yolda geyimini seçir,axşam isə 10 saniyəyə brendin təklifini qiymətləndirib ya qəbul, ya da rədd edir.
Brendlər isə bu yeni davranış modelinə uyğunlaşmaq üçün “Grab & Go” fəlsəfəsini qəbul edir:sadə, sürətli, anlaşılan və emosional bağ quran təcrübə yaratmaq.
Starbucks “Order Ahead” funksiyası ilə müştərinin vaxtını xilas edir.
McDonald’s tətbiqlə sifariş sistemini “drive-thru” təcrübəsinə birləşdirib.
Nike tətbiqlərində “1 tapla al” funksiyası ilə saniyələr içində alış-veriş mümkün edir.
Bu markalar sadəcə məhsul satmır — həyatın tempinə uyğunlaşırlar.
Müasir marketinq, məhsul yarışı deyil — vaxt yarışıdır.Qazanmaq istəyirsənsə, müştərinin ritminə uyğun hərəkət et.
