Henri Ford 30 iyul 1863-cü ildə ABŞ-ın Miçiqan ştatının Vayn-Kantri bölgəsinin Sprinqfild qəsəbəsində kasıb bir ailədə dünyaya gəldi. Gənc yaşlarında ailəsinə kömək etmək üçün işləyirdi. Mexanikaya böyük marağı olan Henri ilk daxili yanma mühərrikini öz evinin mətbəxində hazırladı. Tezliklə həmin mühərriki dörd velosiped təkərli ramaya yerləşdirdi və 1896-cı ildə bu nəqliyyat vasitəsi ilk Ford avtomobilinə çevrildi.
Henri Fordun hekayəsi 1899-cu ildə qurduğu Detroit Avtomobil Şirkəti ilə başladı, lakin şirkət qısa müddətdə müflis oldu. Üçüncü cəhdində isə uğur qazandı – 1903-cü ildə Ford Motor Company təsis edildi.
Şirkət Henri Ford başda olmaqla Miçiqandan olan 12 biznesmen tərəfindən quruldu. İlk avtomobil 23 iyul 1903-cü ildə satıldı. 1906-cı ildə Henri Ford şirkətin prezidenti oldu və əsas sahibkara çevrildi. 1919-cu ildə oğlu Edsel Ford prezident postuna varis oldu, lakin 1943-cü ildə Edselin qəfil ölümündən sonra Henri Ford yenidən şirkətin rəhbəri oldu.
Ford-un ən böyük ideyası sadə idi:
“Avtomobil hər kəs üçün əlçatan olmalıdır.”
O, konveyer istehsal sistemini tətbiq edərək avtomobili lüksdən gündəlik həyatın bir hissəsinə çevirdi.
Onun yaratdığı Model T milyonlarla insana ilk dəfə avtomobil sahibi olmaq imkanı verdi.
İşçilərinə dövrün standartından yüksək maaş verərək həm rifahı, həm də istehsalı gücləndirdi.
Bu gün Henry Ford-un adı sadəcə bir marka deyil – iradənin, yeniliyin və insanların həyatını dəyişdirən böyük ideyanın simvoludur.
Onlar kompüterlərin gələcəyini əvvəlcədən gördülər. Bir çip ilə bütün texnologiya dünyasının sürətin
Larry Page & Sergey Brin – Google ilə informasiyanı dünyaya açanlar
Jeff Bezos müasir biznes dünyasının ən təsirli sahibkarlarından biridir. Amazonu sadə bir onlayn kit
