Fred DeLuca 1948-ci ildə ABŞ-da anadan olub. O, həkim olmaq arzusu ilə universitetə daxil olsa da, təhsil haqqını ödəməkdə çətinlik çəkirdi. Cəmi 17 yaşında ikən ailə dostu Dr. Peter Buck ona 1.000 dollar borc verir və bu pulla ilk sendviç dükanını açmağa təşviq edir.
Beləliklə, 1965-ci ildə ilk restoran “Pete’s Super Submarines” adı ilə fəaliyyətə başlayır.
Fred DeLuca-nun ideyası sadə idi, təzə inqrediyentlər və müştərinin öz sendviçini seçməsi
Bu yanaşma qısa zamanda müştərilərin diqqətini çəkdi. Bir neçə ildən sonra restoranın adı Subway olaraq dəyişdirildi.
Fred DeLuca Subway-i böyütmək üçün françayzinq modelinə üstünlük verdi. Bu strategiya brendin sürətlə yayılmasına imkan yaratdı. Qısa müddətdə Subway ABŞ-ni aşaraq beynəlxalq bazara çıxdı.
İllər keçdikcə Subway 100-dən çox ölkədə fəaliyyət göstərdi və on minlərlə restorana sahib oldu
Dünyanın ən tanınan fast-food markalarından birinə çevrildi
Fred DeLuca isə səssiz, diqqət mərkəzində olmağı sevməyən, amma strateji düşüncəsi ilə fərqlənən lider kimi tanındı.
