Qərbdə məntiqin tarixi qədim yunan fəlsəfəsinə gedib çıxaraq Aristotelin (e.ə. 384-322) ilə bağlanır. Orta əsr xristian və ərəb-müsəlman, eləcə də erkən müasir dövr Qərb fəlsəfələrində məntiqin inkişafı bir sıra özünəməxsus atributlar ilə xarakterizə edilsə də, buradakı məntiq əsasən Aristotel məntiqinin ümumi məzmununun davamı olmuşdur. Amma 19-cu əsrdən etibarən məntiq sahəsində təmsil edilən mütəfəkkirlər arasında riyaziyyatçılar tədricən üstünlük təşkil etdikcə məntiqin də məzmununda ciddi dəyişiklik baş vermiş, o, fəlsəfənin sərhədlərindən əhəmiyyətli dərəcədə uzaqlaşaraq riyaziyyat ilə inteqrasiya etmişdir. Bütün bu qeyd edilən tendensiyaya baxmayaraq, müasir dövrdə məntiqi birmənalı şəkildə riyaziyyatın da tərkib hissəsi kimi qiymətləndirmək çətindir. Eyni dərəcədə çətinlik onu fəlsəfənin tərkib hissəsi olaraq analiz edərkən də təzahür edir. Bütün bunları nəzərə alaraq videoda empirik faktlar əsasında müasir dövrdə məntiq üzrə necə ixtisaslaşmaq mümkündür sualına cavab axtarmışıq.
Copyright © 2025 a BONPARA project. All rights reserved.