1970-ci illərdə Bakıda yaşayan bir sovet ailəsi mənzildə üç şir saxlayırdı. Ailənin atası Leo zooparka gedərkən bir şir balasının anası tərəfindən tərk edildiyini eşidir və onu evə gətirir. Şirə “King” adı verilir. King’in ön pəncələri iflic idi və ailə ona masaj etməklə yeriməyə kömək edirdi. Bir müddət sonra King ailənin üzvünə çevrilir.
King böyüdükcə mənzildə yaşamaq çətinləşir. Ailə bir dəfə onu zooparka qaytarmaq istəsə də, o insanlara öyrəşdiyi üçün bu mümkün olmur. Sonra King filmlərə çəkilir və ailə səyahət etməyə başlayır. Ancaq Sankt-Peterburqda çəkiliş zamanı baş verən bir hadisədə polis King'i güllələyərək öldürür. Bu hadisədən sonra ailənin iti də King’in yoxluğuna dözə bilməyib ölür.
Leo yeni iki şir (King II və Puma) gətirsə də, onlarla əvvəlki King kimi bağ yaranmır. 1978-ci ildə Leo vəfat edir. Nina təkbaşına həm uşaqlara, həm də iki şirə baxmaqda çətinlik çəkir. Bir gün King II aqressivləşərək Nina'nın oğlunu öldürür. Polis şiri güllələyir.
