Görəsən qocalıq nədir,əzizim?
O qara saçların ağarmasımı?
Saç nədir ,ruhumuz ağarıb bizim
Görmüsən şairin qocalmasını?
Bilirsən şairlər nə vaxt qocalır?
Qələmi yazmayıb,söz tükənəndə
Şairin qələmi təbdən güc alır
Qocalar qələmdən vərəq küsəndə
Sən nədir qocalıq bilirsənmi heç?
Gəl izah eyləyim,qulaq as sən də
Bir zaman gələcək,başlayacaq köç
Qələmim titrəyib əlim əsəndə
Qocalıq illərin hamı görəcək
Mən bir az tələsdim qocalmaq üçün
Ölümlü dünyadır,gedən gedəcək
Hələ ki yazıram ucalmaq üçün
