Sәhәr yemәyindәn dәrhal sonra silah-sursatlar götürüldü vә maşınlara mindik.Bu zaman Bakıdan iriçaplı roketlәr atıldı.Artıq,müharibә başlamışdı. Yolda uşaqlar evlә әlaqә saxladılar,internetin kәsildiyi vә müharibә elan edildiyini öyrәndilәr.Üzü Füzuli istiqamәtinә hәrbi kalonlar yol aldı.Bütün hәrbi hissә - Tanklar,kamazlar hamısı.Yolda insanların izdihamı,әsgәrlәrә yardım etmәk üçün yarışa girmәlәri,adamı qürurlandırırdı.Bax, bu xalq üçün ölmәyә dәyәr-dedi bir әsgәr,gözlәri dolmuşdu.Yol boyu maşın başçısı olan komandirimiz Әli (Qarabağ qazisidir) hәrdәn gәlib bizә ürәk dirәk verir,Allah vә Peyğәmbәrdәn (s) danışır,Ya Әli deyib tәzәdәn maşına minirdi.Bir dәfә saxlayanda
-Uşaqlar döyüşdәn salamat qayıdaq,hamınızın nömrәsini götürmüşәm toyuma çağıracam" dedi,biz dә hamılıqla " inşallah komandir,mütlәq" qışqırışdıq.Füzuli istiqamәtindә rayonları keçdikcә,izdiham artır,yardım üçün camaat küçәlәrә axışırdı.Kәnanla söhbәt edirik,dualar oxuyuruq vә Namaz vaxtı namazı qıldıq. Füzuliyә çatar-çatmaz yaşayış olan son kәndlәrdә analar qapıya çıxıb,bizә baxaraq mәrsiyyә oxuyurdular.Artıq,hәr şey bәlli idi.Axşam saatlarında,Horadizә çatdıq.Ambulans maşınları dayanmır.Yaralı-şәhid artıq var idi.Horadizdә cәmlәşdik vә Güllәlәri tәhvil aldıq,daraqları doldururduq.Bu zaman cәmlәşmә mәntәqәsini vurdular,şәrәfsizlәr.İlk dәfә idi düz yanımızda minamyot partlayırdı.3 şәhid artıq var idi.Hәr üçü tәrxis olacaq әsgәrlәr.Cәmlәşmәdә artıq idarә itdi,gecә vaxtı hәrә bir yerә çәkildi.Nә Cavidanı tapa bilirәm,nә Kәnanı.Bir qaraj tapıb gizlәndik,Valeh adlı könüllü,dәhşәt qorxu içindә mәni tәk qoyma,qorxuram deyib yanımda oturdu.Gecәni qorxu vә soyuq içindә keçirdik.
